Nigeria: Album nshya “ More Love, Less Ego” ya wizkid yageze kuri Billboard 200

Nigeria: Album nshya “ More Love, Less Ego” ya  wizkid yageze kuri Billboard 200

Album ya 5 ya wizkid “ More Love,Less ego” ku nshuro yayo ya mbere yageze kuri Billboard hot 200.

Dukurikije imbonerahamwe nshya y’uru rubuga, ‘More Love, Less ego’ ya Wizkid ikaba yagezeho iri ku mwanya wa 59. Ni Album yashyize hanze ku ya 11 ugushyingo 2022. 

Billboard Hot 200 ni imbonerahamwe y’imizingo “Albums” ziba ziri gucuruzwa cyane muri Leta Leta Zunze Ubumwe Za Amerika. Uru rubuga rwashyize album ya Wizkid ku mwanya wa 59, nyuma y’uko hacurujwe 13,000 mu cyumweru cyayo cya mbere.

Mu mateka y’imizingo “Albums” za  Afrobeats zageze kuri iyi mbonerahamwe, “More, Love,Less Ego’ ibaye iya kabiri nyuma ya Album ya 6 ya Burna Boy “’Love, Damini’ yageze ku mwanya wa 14 nyuma yo gucuruza 25,000 mu Cyumweru kimwe, iba na Album ya mbere muri Nigeria kuri iyi mbonerahamwe.

‘More Love, Less Ego’, isanze iya Fireboy yitwa Playboy ndetse n’iya Asake yitwa Mr.Money With The Vibe, nazo zageze kuri iyi mbonerahamwe ya Billboard 200 muri 2022. ‘Playboy’ ya Fireboy, yageze ku mwanya w’129 nyuma yo gucuruza 9,000 mu cyumweru cyayo cya mbere.’ Mr Money With The Vibes’ ya Asake, yageze ku mwanya wa 66 nyuma yo gucuruza 13,000 mu Cyumweru cyayo cya mbere.

Umuhanzi Wizkid mu bihembo bya AMA byatanzwe ku ya 20 ugushyingo yatwaye icya Favorite Afrobeat Artist.