Amajonjora y' Igikombe cy' Afrika ararimbanyije
Nubwo umukino uzahuza ikipe y'igihugu amavubi wimuwe ugakurwa ku itariki 27 ukimurirwa kuri 29 werurwe, ntibyabujije andi makipe y'ibihugu guhatana ashaka uko azerekeza mu gikombe cya Afrika (AFCON)kizabera muri Côte Divoire.
Amakipe y'ibihugu atandukanye muri Afurika akomeje gutera intambwe igana muri Côte Divoire. Ubu bidasubirwaho ikipe ya Algeria yo yamaze kubona itike. Ikipe ya Senegal na yo nitsinda Mozambique mu mukino bifitanye kuri uyu wa 28 na yo iraba ibonye itike bidasubirwaho, Amavubi aracyayihigahiga.
Imwe mu mikino yabaye kuri uyu wa 27 ni Guinea Bissau yatsinzwe na Nigeria igitego kimwe ku busa, Ethiopia yatsinzwe na Guinea Conakry ibitego bitatu kuri bibiri (3-2), Central Africa yatsinze Madagascar ibitego bibiri ku busa (2-0). Indi mikino yabaye Ghana yanganyije na Angola igitego kimwe kuri kimwe(1-1), Niger yatsinzwe na Algeria (1:0), Sudan y'amajyepfo yatsinzwe na Congo Brazzaville (1:0), Sudan itsinda Gabon 1:0 iyi mikino Kandi yasize Morocco na yo ibonye itike bidasubirwaho.
Kuri uyu munsi imikino iteganyijwe hari Eswatini vs Cape Verde, Togo vs Brukinafaso, Namibia vs Cameroon, Malawi vs Misiri, Gambia vs Mali, Comoros vs Ivory Cost, Botwana vs Guinea Equatorial, Liberia vs Afurika y'Epfo, Mozambique vs Senegal. Imwe mu mikino itegerejwe n'abanyafurika benshi ni Libya iza kwesurana na Tunisia naho Tanzania ikine na Uganda.
Ku wa 29 Werurwe naho hateganyijwe imikino ibiri ariyo Mauritania iza gukina na Repubulika Iharanira Demokarasi ya Congo(RDC) naho ikipe y'igihugu y'urwanda amavubi yesurane na Benin.
Kugeza ubu amakipe atatu ni yo afite itike yo gukina imikino y'igikombe cy'africa. Ikipe ya Côte Divoire izakira iri rushanwa, Ikipe ya Morocco ndetse n'ikipe ya Algeria yabigezeho itsinze Niger igitego kimwe ku busa cyatsinzwe na Baghdad Bounedja.
