Kenya: Undi muntu yaguye mu myigaragambyo yateguwe na Raila Odinga
Uyu musore ni umuntu wa gatatu upfuye arasiwe muri iyi myigaragambyo nyuma ya mugenzi we wigaga muri kaminuza warashwe na polisi.
Kuri uyu wa kabiri tariki ya 28 Werurwe 2023, Inzego z’ubuzima muri Kenya zatangaje ko hari umusore wapfuye nyuma yo kurasirwa mu myigaragambyo imaze iminsi iri muri iki gihugu, aba uwa kabiri umaze gupfa muri ubu buryo.
Uyu musore yarasiwe mu myigaragambyo yabereye mu Mujyi wa Kisumu uherereye mu Burengerazuba bwa Kenya, gusa ntibiramenyekana niba yararashwe n’inzego za Leta.
Jaramogi Oginga Odinga uyobora ibitaro bya Kisumu uyu musore yahise ajyanwamo niwe wahamije aya makuru ku mugaragaro nkuko Africanews ibitangaza dukesha iyi nkuru.
Yagize ati “Umuntu umwe yararashwe arapfa, ni umusore utaramenyekana imyorondoro."
Uyu musore ni umuntu wa gatatu upfuye arasiwe muri iyi myigaragambyo nyuma ya mugenzi we wigaga muri kaminuza warashwe na polisi.
Perezida wa Kenya, William Ruto aherutse gutangaza ko yiteguye guhangana na Raila Odinga yatsinze mu matora y’umukuru w’igihugu ariko akaba akomeje gukangurira abaturage kujya mu myigaragambyo.
