Arsenal yungutse undi mukinnyi karundura

Ikipe ya Arsenal yasinyishije umukinnyi wo hagati w’Umwongereza Declan Rice wayigezemo avuye mu ikipe ya West Ham United, amasezerano y'imyaka itanu, ku giciro cy’ama-pound miliyoni 105 (£105).

Uyu musore w'imyaja 24 wari kapiteni w'ikipe ya West Ham yo mu kiciro cya mbere mu Bwongereza (English Primiere League), akaba abaye umukinnyi wa gatanu iyi kipe ikundwa n'abatari bake hirya no hino ku Isi, isinyishije. Yahise ahabwa na nimero azambara ikaba ari 41.

Aganira n’urubuga rwa Arsenal, Rice yavuze ko yiyemeje kugeza umukino we ku rundi rwego hamwe na Gunners (Arsenal). Ati;" Kuri njye nk'umukinnyi, naje hano rwose nshonje kugira ngo ndusheho gutsinda no kumara imyaka yanjye myiza muri iyi kipe ikomeye."

Arteta na we yatangarije urubuga rw'iyi kipe ko banejejwe no kwibikaho uyu wari kapiteni wa The Hammers. Yakomeje agira ati;"Twishimiye rwose ko Declan yinjiye muri twe. Ni umukinnyi ufite ubushobozi buhebuje, umaze imyaka myinshi yitwara neza ku rwego rwo hejuru muri Premier League ndetse no mu Bwongereza mu bihe byinshi."

Umutoza wa West Ham, David Moyes, yumvikanye ahishura ko ababajwe no kubona kapiteni we ava kuri Stade ya London.

Ati;"Ndashaka gushimira ku giti cyanjye Declan ku byo yakoze byose mu gihe cye muri West Ham United."

Uyu Declan aje mu ikipe ya Arsenal nyuma yuko iyi kipe yabaye iya kabiri muri Shampiyona y'Abongereza. Ikipe yarabereye kapiteni ya West Ham yo yatwaye igikombe gikinwa n'amakipe yo ku mugabane w'i Burayi azwi nka Conference League.