Abakinnyi 10 b'Abanya-Nigeria bakize kurusha abandi

Impano iyo ifashwe neza ikamira nyirayo. Nigeria ni kimwe mu bihugu byo muri Afrika bifite abanyempano mu mupira w'amaguru, ibintu bituma bigaragariza Isi, bakarambagizwa n'amakipe akomeye maze na yo akabaha agatubutse. Igitangazamakuru Vanguard cyakoze urutonde rw'abakinnyi 10 bakize kurusha abandi bo muri icyo gihugu cya Nigeria.

John Mikel Obi

Uyu mukinnyi yamenyekanye cyane mu gihe yakinaga mu ikipe yo mu Bwongereza yitwa Chelsea. Obi kandi yakinnye mu gihugu cy'Ubushinwa. Muri Nzeri y'umwaka ushize nibwo yatangaje ko amanitse inkweto, ikipe aheruka gukinamo ni Kuwait SC, atunze agera kuri miliyoni 50 z'Amayelo (€50 million).

Odion Ighalo

Uyu nawe yahiriwe n'ikirenge ke kuko mu minsi yashize yakinnye mu ikipe yo mu Bushinwa yitwa Changchun Yatai, aho yahembwaga ibihumbi 300,000 by'Amapaundi ku cyumweru. Ubu akaba akina mu ikipe yo muri Saudi Arabia yitwa Al Wehda. Atunze arenga miliyoni 38 z'Amayero (€38 million).

Kelechi Iheanacho

Kelechi w'imyaka 27, wigeze gukina mu ikipe ya Manchester City mu mwaka wa 2019, ubu akaba akina mu ikipe ya Leicester City mu Bwongereza, ni umwe mu banya-Nigeria basarura agatubutse mu mupira w'amaguru. Atunze arenga miliyoni 35 z'Amayero (€35 million).

Alex Iwobi

Iwobi yamenyekanye cyane akina mu ikipe ya Arsenal, yakinnye kandi mu ikipe ya Everton, ubu abarizwa muri Fulham. Atunze arenga miliyoni 31 z'Amayero (€31 Million).

Wilfred Ndidi

Ndidi ukinira ikipe ya Leicester City mu Bwongereza, ahembwa ibihumbi 51,000 by'Amapaundi buri cyumweru. Ibi bimushyira mu baherwe babikomora ku mupira, atunze arenga miliyoni 30 z'Amayero (€30 Million).

Victor Moses

Moses w'imyaka 33, wakiniye amakipe arimo Liverpool, Chelsea na West Ham United, ubu akinira ikipe ya Spartak Moscow. Ahembwa ibihumbi 33,000 by'Amapaundi buri cyumweru. Atunze arenga miliyoni 26 z'Amayero (€26 Million).

Ahmed Musa

Kapiteni w'ikipe y'igihugu ya Nigeria Musa wakiniye amakipe arimo Leicester City na Al Nassr, ubu ukinira ikipe ya Sivasspor, atunze arenga miliyoni 23 z'Amayero.

Emmanuel Emenike

Uyu mugabo atunze arenga miliyoni 15 z'Amayero.

Victor Osimhen

Uyu mukinnyi ukinira ikipe ya Napoli, aherutse gusinyishwa amasezerano mashya, aho ahembwa miliyoni 113 z'Amapaundi buri cyumweru. Atunze arenga miliyoni 12 z'Amadolari ya Leta Zunze Ubumwe z'Amerika.

Samuel Chukwueze

Samuel aherutse kuva mu ikipe ya Villarreal yerekeza mu ikipe ya AC Milan, atunze arenga miliyoni 5 z'Amapaundi.