Chelsea yabonye umutoza mushya
Kuri uyu wa Gatandatu ikipe ya Chelsea yo mu Bwongereza yemeye amasezerano yo gushyiraho Mauricio Pochettino nk'umutoza mukuru wayo mu mwaka utaha w'imikino 2023/24.
Iyi kipe ya Chelsea, nyuma yo kwirukana umutoza wayo mukuru wegukanye igikombe cya Shampiyona y'Abongereza, Thomas Tuchel agasimburwa na Graham Potter na we utaratinze muri iyi kipe kuko yirukanwe muri Mata uyu mwaka asimburwa na Frank Lampard wemejwe nk'umuyobozi wagateganyo ugiye kwita ku ikipe kugeza umwaka wa shampiyona 2022/23 urangiye, yabonye umutoza mushya, Mauricio Pochettino.
Uyu Pochettino wahoze ari umutoza wa Tottenham nta kazi yari afite nyuma yo kwirukanwa n'ikipe ya Paris Saint Germain yo mu Bufaransa mu Mpeshyi ishize.
Kuri uyu wa Gatandatu, 13 Gicurasi ni bwo Chelsea yemeye amasezerano yo gushyiraho uyu mugabo nk'umutoza mukuru uzayitoza mu mwaka utaha w'imikino wa 2023/24.
Pochettino azasimbura burundu Graham Potter wirukanwe mu ntangiriro za Mata 2023 ndetse uyu mutoza mushya azaba afite akazi gakomeye mu kuzahura Chelsea ndetse no kuyigeza kure nkaho Tuchel yayigejeje mu gihe yarakiyitoza.
Uyu mutoza Pochettino yatsindagiye Ligue 1 hamwe na Paris Saint Germain mbere yo kuva muri iyo kipe mu Mpeshyi ishize, yanatwaye igikombe cy'Ubufaransa muri 2021.
Mauricio umaze kugira izina riremereye mu gutoza amakipe atandukanye, ni Umunya-Argentine w'imyaka 51 y'amavuko, biteganyijwe ko azasubira muri Shampiyona y'Abongereza (English Premier League) asimbuye umuyobozi w'agateganyo, Frank Lampard mu mpera z'iki gihembwe.
