Lionel Messi mu nzira ziva muri Paris Saint Germain
Lionel Messi werekeje mu ikipe ya Paris Saint Germain muri 2021 nyuma yo kuva muri Barcelona, umubano we n'abafana b'iyi kipe wifashe nabi muri iyi shampiyona y'Abafaransa, League 1.
Uyu Munya- Argentina wimukiye muri Paris Saint Germain nyuma yo kuva muri Barcelona mu mwaka wa 2021, kuri ubu yiteguye kugenda muri iyi Mpeshyi nkuko byemejwe n'umutoza mukuru wa PSG, Christophe Galtier ko uyu musore azagenda muri iyi Mpeshyi.
Ku wa Kane w'iki cyumweru, Galtier yagize ati:" Nagize amahirwe yo gutoza umukinnyi mwiza mu mateka y'umupira w'amaguru."
Yakomeje agira ati:"Uyu mwaka yagize uruhare rukomeye mu ikipe, kandi ntabwo mbonako hari ibyo kunengwa bifite ishingiro, ubu asigaje umukino we wa nyuma kuri Parc des Princes, ndizera ko azakirwa neza".
Kuri ubu Messi afite ibitego 21 hamwe n'ubufasha (assists) 20 mu marushanwa yose muri iyi shampiyona y' Ubufaransa (League 1). Uyu musore arakizera ko ashobora gukina ku rwego rwo hejuru, ni mu gihe ikipe ya Barcelona ari na yo yahoze akinira mbere yo kuza mu Bufaransa, ikomeje kugaragaza ko yifuza kongera kumusinyisha muri iyi Mpeshyi .
Mu gihe Messi yakiniraga Barcelona hagati ya 2003 na 2021 mu mikino 778 yakiniye iyi kipe yatsinze ibitego 672.
Kugeza ubu haracyarebwa niba iyi kipe yahoze akinira bashobora kumuha amasezerano mashya, ariko kandi Inter Miami yo muri Saudi Arabia na yo irifuza kumusinyisha.
