Liverpool yasinyishije umukinnyi wegukanye igikombe cy'Isi 2022
Kuri uyu wa Kane, ikipe ya Liverpool yasinyishije umukinnyi wo hagati wegukanye igikombe cy'Isi cya 2022, Alexis Mac Allister.
Umukinnyi w'Umunya_ Argentina, Alexis Mac Allister wagiye mu ikipe ya Brighton muri Mutarama 2019 nyuma yaje kujya muri Buenos-Aires ku nguzanyo. Ubu ikipe ya Liverpool yamusinyishije kuri miliyoni 35 z'amapawundi (35£).
Uyu mukinnyi ukomoka muri Argentine w'imyaka 24 wegukanye igikombe cy'Isi cya 2022 , ni umukinnyi wo hagati kandi wigaragaje muri Premier League mu ikipe ya Brighton aho yagaragaje ubuhanga bwihariye.
Mu magambo ya Alexis Mac Allister yagize ati: “Kuva twatwara igikombe cy'Isi, navuze ko nshaka gutwara ibikombe byinshi kandi ndatekereza ko iyi kipe izamfasha kubikora. Iyo ni yo ntego uri mu ikipe nini nk'iyi agomba kugira ikitwara neza maze akabati kabikwamo ibikombe kagafureka. Ibyo ni byo nshaka."
