Real Madrid yabonye kapiteni mushya
Nacho Fernandez yatowe nka kapiteni mushya wa Real Madrid nyuma y'uko uwari Kapiteni wayo Karim Benzema avuye muri iyi kipe akerekeza muri Al-Ittihad yo muri Saudi Arabia.
Nyuma yuko Karim Benzema afashe umwanzuro wo kuva i Bernabeu amasezerano arangiye muri uku kwezi, Nacho Frenandez yatowe nka kapiteni mushya w'iyi kipe.
Benzema yagizwe kapiteni wungirije mu 2021 nyuma yo kugenda kwa Sergio Ramos. Uyu mugabo aza kuzamurwa mu ntera aba kapiteni nyuma yuko Marcelo avuye muri iyi kipe mu Mpeshyi ishize.
Uyu myugariro w'inararibonye Nacho Fernandez, nkuko Breacher Reports yabitangaje, biteganyijwe ko uyu mukinnyi azahabwa andi masezerano mashya y'umwaka, akinira iyi kipe.
Fernandez wemejwe nka kapiteni mushya muri Real Madrid, kandi azungirizwa n' Umunya _Croatia, Luka Modric, Carvajal ndetse na Toni Kroos.
