King James wari waratashye ubukwe bwa Meddy muri Amerika yagarutse ku ivuko
King James wari muri Amerika mu mushinga wa Album ‘’Ubushobozi’’ yagarutse mu Rwanda
Ruhumuriza James ukoresha izina rya King James mu muziki yari amaze igihe kirengaho gato ukwezi ari muri Amerika aho yagiye gutaha ubukwe bwa Meddy no gukomeza gutunganya umuzingo we yise’’Ubushobozi’’ yamaze kugaruka ku ivuko.
King James yerekeje muri Amerika mu ntangiriro z’ukwezi kwa gatanu uyu mwaka. Bimwe mu bikorwa byari bimujyanye birimo kwitabira ubukwe bwa Meddy ndetse yanabaririmbiye ‘’Ganyobwe’’. Ikindi cyari kimuraje ishinga ni uguhura na Lick Lick umwe mu bamukoreye ibihangano byamwubakiye izina agitangira muzika. Album ari gutunganya yayise‘’Ubushobozi’’ akaba ariyo ari gukoraho ari nako agaragara mu ndirimbo akorana n’abandi.
King James utuye ku Ruyenzi akigera iwe yanditse ati:’’Nishimiye kugaruka mu rugo’’.
