Ese buzasozwa ryari? Umuherwe yihaye umuhigo wo kubabaka ubwato bushya bwa Titanic

Umuherwe wo mu gihugu cya Australia, Clive Palmer yatangaje ko agiye kubakisha ubwato karundura busa n'ubwa Titanic bwakoze impanuka bugikorwa.

Mar 30, 2024 - 18:50
Mar 30, 2024 - 18:47
 0
Ese buzasozwa ryari? Umuherwe yihaye umuhigo wo kubabaka ubwato bushya bwa Titanic
Ubwato bwa Titanic bwarohamye ku wa 15 Mata 1912

Inkuru y'irohama ry'ubwato karundura bwa Titanic ihora igaruka mu matwi ya benshi kubera agahigo bwasize. Ni ubwato bwakozwe mu ntangiriro z'ikinyejana cya 20, buhaguruka i Southampton berekeza i New York ariko birangira ku wa 15 Mata 1912 bukoze impanuka. Hakozwe na filimi ibushingiyeho. Ibyo byakanguye ubwonko bw'umuherwe Clive Palmer w'imyaka 69 yo kubaka ubusa na bwo, bwitwa Titanic II.

Mu kiganiro n'itangazamakuru i Sydney, Opera House ku wa 13 Werurwe, uyu muherwe Clive Palmer yahamije ko kompanyi ye yitwa Blue Star Line, izubaka ubwato bufite imbere na kabine ijya gusa n'ubwanyabwo bwakozwe mu ntangiriro z'ikinyejana cya 20 ariko ntabwo buzaba busa ijana ku ijana.

Ubwato bwiswe Titanic II (ubwato bwa kabiri bwa Titanic), buzaba bufite ubwiza, uburinzi ndetse n'ikoranabuhanga rya none.

Umuherwe Palmer yemeje ko ubwo bwato buzaba bufite uburinzi budasanzwe n'ikoranabuhanga rigezweho. Ati;"Turashaka kuzafata neza abagenzi ku buryo nta mpungenge bazagira zo guhura n'ikibazo igihe bari mu urugendo."

Si ubwa mbere Palmer ahishuye ko azakora ubwato bushya bwa Titanic kuko hafi mu myaka 10 ishize yambwiye Isi yose ko agiye gukora ubwato bushya bwa Titanic ariko birangira atageze ku ntego ye. Byari biteganyijwe ko mu mwaka wa 2016, bwari gukorerwa mu Bushinwa, bukazahaguruka i Southampton berekeza i New York, byimuriwe mu mwaka wa 2018. Byarimuwe ariko nyuma bikomwa mu nkokora na COVID-19.

Palmer aravuga iki ku kayabo gasabwa mu kubaka ubwato?

Palmer yahamije ko amafaranga ari agira icyo akora, ati;"Ni byiza kubaka Titanic kurusha kuyicarana mu rugo wirirwa uyabara gusa.

Clive Palmer yahishuye ko  kubaka ubu bwato bizatangira mu mwaka wa 2015, bikazabera ku mugabane w'i Burayi, biteganyijwe ko buzakora urugendo rwa mbere mu kwa Kamena 2027.

Ni umushinga ufite ingengo y'imari iri hagati ya miliyoni magana tanu ($500 million ) na miliyari y'Amadolari (1 billion). Yavuze ko igihe kizabwira abantu niba buzakora ibigwi nk'iby'ubwa mbere.

Irohama rya Titanic ryababaje benshi

Ubwato karundura bwari buzwi nka RMS Titanic bwarohamye ku wa 15 Mata 1912, mu urugendo bumva i Southampton bwerekeza i New York, nyuma yo kugonga ikibuye cy'urubura mu nyanja ya Atlantic, bwahitanye abarenga ibihumbi magana tanu (1,500).

Ubwato bwa Titanic bwashibutseho filimi yayobowe na James Cameron, yamuritswe mu mwaka 1997, Leonardo DiCaprio na Kate Winslet bakinnye mu kimbo cy'urukundo rwaciye mu bibazo rwa Jack na Rose. Palmer yemeza ko inkuru y'urukundo rwabo ikora ku mutima.

Niyonkuru Augustin He is a journalist. For more information, please contact him; +250781548774.