AFCON 2021: Ikipe y' igihugu ya Cote D'Ivoire yahuye n' uruva gusenya, menya uko umukino wagenze
Mu buryo bugoranye ikipe y' igihugu ya Egypt yatsinze ikipe ya Cote D'Ivoire, penalite 5-4.
Ni mu mikino ya nyuma y'igikombe cy' Afrika(AFCON 2021) irimo kubera mu gihugu cya Cameroon. Imikino igeze muri kimwe cy' umunani. Ikipe ya Cote D'Ivoire yatsinzwe na Misiri, penalite 5-4. Ni mu gihe umukino warangiye ari ubusa ku busa hongerwaho iminota 30, birangira ari 0-0, hitabazwa penalite.
Ni umukino watangiye saa kumi n' ebyiri (18:00) ku isaha y' i Kigali, hari saa kumi n' imwe (17:00)ku isaha y' i Yaounde. Amakipe yombi yagerageje kwerekana umukino mwiza. Ariko ikipe y' igihugu ya Cote D'Ivoire yerekanaga urwego ruri hejuru; Dore ko igice cya mbere cyarangiye imibare yerekana ko Cote D'Ivoire yagumanye umupira 52%. Ni mu gihe Misiri (Egypt) yo yagumanye umupira ku kigero cya 48%. Umukino warangiye ari 0-0.
Ikipe ya Misiri yatewe akanyabugabo n' umuzamu, Gabaski wasimbuye uwari usanzwe ayifatira.
Mu gihe cya penalite, uyu muzamu yakuyemo penalite imwe ya Eric Bailly, bituma zirangira ari 5-4.
Mohammed Sarah usanzwe ukinira Liverpool ni we wateye penalite ya gatanu, ayinjiza neza cyane. Yahise ahesha itike ikipe ye igana muri kimwe cya kane. Cote D'Ivoire ihita isezerererwa muri kimwe cy'umunani.
Byamenyekanye ko Misiri (Egypt) izahura na Maroke(Morocco) muri kimwe cya kane. Zizakina ku Cyumweru, saa kumi (16:00)z' umugoroba ku isaha ngenga masaha ya GMT.
