Akanyamasyo kitwa ' Jonathan' gakomeje gutangaza abantu, kubera imyaka yako, ubu kajyiye kuzuza uwa 190

Mu bwami bw' ubwongereza ku kirwa cya St. Helena, hari akanyamasyo kamaze imyaka igera ku 190.

Jan 27, 2022 - 05:15
Jan 27, 2022 - 05:14
 1
Akanyamasyo kitwa ' Jonathan' gakomeje gutangaza abantu, kubera imyaka yako, ubu kajyiye kuzuza uwa 190
CNN

Akanyamasyo kitwa Jonathan gakomeje gutangaza abatari bake kubera imyaka yako. Byatangajwe ko muri uyu wa 2022 kaza kwizihiza imyaka 190. Ni akanyamasyo kageze mu bwami bw' Ubwongereza mu busitani bwitwa Plantation House, St. Helena(icyirwa) ahagana mu myaka ya 1882, kari kavuye mu birwa bya Seychelles. Aho bivugwa ko ariho kavukiye, ahagana 1832.

Ikigo gikunda kwandika uduhigo tuba twarabaye ku Isi "Guinness World Records," cyemeje ko Jonathan ari ko kanyamasyo gashaje kurusha utundi dutuye Isi. 

Batangaje ko Jonathan ashobora kuba arengeje iyo myaka yatangajwe. Hemezwa ko " Jonathan" yatanzwe nk' impano mu myaka ya 1882, ahabwa Sir William Grey- Wilson. Uyu Grey-Wilson yaje kuba guverineri wa St. Helena. Harabarurwa abaguverineri 31 bayoboye St. Helena, Jonathan yaragezeyo.

Ushinzwe ubukerarugendo ku cyirwa cya St. Helena, Matt Joshua yatangarije CNN ko 'Jonathan' yaba afite imyaka igera muri 200, kuko ntawuzi igihe yavukiye nyacyo.

Uyu Jonathan yakoreweho ubukera rugendo guhera kera. Igihe Umwamikazi w' Ubwongereza yari akiri umukobwa muto, yajyanye n' ab' Ibwami gusura aka kanyamasyo.

Igitangazamakuru mpuzamahanga, CNN cyatangaje ko 'Jonathan' akimeze neza; abasha kurya, kugendagenda no gutera akabariro.

Mu myaka yashize nibwo hamenyekanye ko akanyamasyo kitwaga "Tu' i Malila" ariko kari gakuze kurusha utundi, kapfuye mu 1965 gafite imyaka igera ku 188. Aho byavuzwe ko kavutse ahagana mu 1777, mu bwami bwa Tonga. Ni amakuru yatangajwe n' umushakashatsi w' Umwongereza Captain James Cook.

Niyonkuru Augustin He is a journalist. For more information, please contact him; +250781548774.