Imbwa ikomeje gutera agahinda abatari bake, kubera ko igitegereje nyiri urugo wishwe

Imbwa ikomeje gutera agahinda abatari bake, kubera ko igitegereje nyiri urugo wishwe

Mu gihugu cya Mexico hakomeje kwicwa abanyamakuru batandukanye. Imbwa irinda urugo rw' umwe mubaherutse kwicwa, yamutegereje iraheba.

Hari ifoto ikomeje kuba gikwira ku mbuga nkoranyambaga y' imbwa yategereje nyiri urugo iraheba kumbe yamaze kwicwa n' abagizi ba nabi bataramenyekana. Iyi mbwa ni uyu umunyamakurukazi witwa Lourdes Maldonado Lopez warasiwe mu modoka ye i Tijuana, Mexico, igihe yarimo ataha ajya iwe, ku mugoroba wo ku Cyumweru, 23 Mutarama 2022.

Iyi foto yafashwe na Yolanda Morales; ni umwe mu nshuti za hafi za nyakwigendera. Yahise ayishyira ku rukuta rwe rwa 'Twitter,' abandi bantu batandukanye barayisangizanya karahava.

Nyuma yaho uyu munyamakuru yishwe, abageze iwe, basanze imbwa ye yishwe n' agahinda kubera ko yamurindiriye yamubuze.

Imbwa igaragara ku ifoto iryamye imbere y' inzu ya nyiri urugo, bigaragara ko yishwe n' agahinda.

Maldonado

Uyu munyamakurukazi yishwe nyuma yaho amenyesheje Perezida wa Mexico, Andres Manuel Lopez Obrador ko ashaka kwishinganisha kuko akemanga ko ashobora kwicwa. 

Yahise ashinganishwa ku gipolisi cya Mexico, ngo acungirwe umutekano.

Birangiye  bitabujije abagizi ba nabi kumuhitana. Abaye umunyamakuru wa gatatu wishwe muri uku kwezi( mu gihugu cya Mexico); ku wa 10 Mutarama, hishwe José Luis Gamboa, ku wa 17 Mutarama, hishwe Margarito Martinez. Nta perereza rirakorwa kuri ibyo byaha.

Igitangazamakuru' Independent' cyatangaje ko abanyamakuru batangiye gutegura imyigaragambyo niba nta gikozwe. Harabarurwa abanyamakuru bagera 148 bishwe ku ngoma ya Obrador, bazira akazi kabo.