Afrobasket2021: Tunisia yegukanye igikombe itsinze Côte d’Ivoire

Ikipe ya Tunisia niyo imaze kwegukana igikombe cya Afrobasket itsinze Côte d'Ivoire ku mukino wa nyuma ku manota 78 kuri 75.

Peacemaker

Sep 6, 2021 - 06:49

Sep 6, 2021 - 06:53

Afrobasket2021: Tunisia yegukanye igikombe itsinze Côte d’Ivoire

Tunisia ishoje iri rushanwa riba buri myaka ibiri idatsinzwe na rimwe, yisubije kandi iki gikombe kuko ari nayo ifite iryabaye ubushize, ikaba igize ibi bikombe bitatu.

Ignacio Lezcano utoza Côte d'Ivoire yavuze ko bahushije amanota menshi yoroshye bityo "muri ubwo buryo tutari kubasha ikipe nka Tunisia."

"Ikosa tubikuyemo ni ugukomeza gukora cyane, ubutaha tukagerageza kubikora" - Lezcano.

Dirk Bauermann umudage utoza Tunisia yavuze ko bugariye bikomeye cyane ariko anashimira Côte d'Ivoire kuko "baduhaye akazi kanini."

Ati: "Ni ikintu gikomeye tugezeho, nishimiye ikipe yanjye n'Abanyatunisia. Ibi ni ibihe bikomeye turimo, twaje hano ngo duhe Abanyatunisia bari kureba bari iwabo ikintu cyo kubashimisha.

"Twashimira kandi u Rwanda rwabashije kwakira iri rushanwa muri ibi bihe bikomeye, rwakoze ibintu bitangaje rutegura irushanwa rigenda neza cyane, ibintu byose bisa neza kandi biri ku murongo ahantu hose, kandi bikagenda uko byateganyijwe."

Makram Ben Romdhane wabaye MVP w'iri rushanwa avuga ko yishimiye ibyo bagezeho nk'ikipe, ati: "Ibi twarabikoreye imyaka myinshi."

Yongeraho ati: "Benshi muri Tunisia bari bazi ko igihe cyacu kirangiye bavuga ngo turashaje, yego koko gishobora kuba kirangiye ariko turangije neza na zahabu."

Abitwaye neza kurusha abandi mu irushanwa:

Umutoza wa Kenya Lizz Mills yahawe igihembo cy'indashyikirwa cya FIBA nk'umugore wenyine watoje ikipe y'igihugu y'abagabo akayigeza mu mikino y'igikombe cya Africa.
Ikipe ya rushije izindi Fair Play: Rwanda
Uwakoze 'rebound' nyinshi: Walter Tavares (Cap Vert)
Uwateye amanota atatu menshi: Carlos Morais (Angola)
Uwatsinze amanota menshi (120): Gorgui Dieng (Senegal)
Umukinnyi wahize abandi (MVP): Makram Ben Romdhane (Tunisia)

Abakinnyi batanu b'irushanwa:Omar Abada, Makram Ben Romdhane (Tunisia), Matt Costello (Côte d'Ivoire), Gorgui Dieng (Senegal) , Walter Tavares (Cap-Vert).

Tags:

Ibyo wamenya kuri Kevine Key wiyemeje kuririmba ibitangaza bya Yesu

Peacemaker MBARUBUKEYE-Etienne-Peacemaker is a professional Journalist who holds bachelor degree in Journalism and Communication from University of Rwanda. CEO of Media and Development Consultancy Ltd, this company is specialized in media consulting, training, promoting social media as well as doing research. He was the digital lead at Jobcenter.rw a company of Afrimedia ltd. He worked as a senior journalist at Isango Star (Radio and television), co-chief editor, and documentarist (Isango Sobanukirwa), Program director (Sunday Night show) as well as social media manager. He worked at B&B Fm-Umwezi as journalist and documentarist. He was a content creator at Fine fm and City radio. He worked at Inyarwanda.com/TV. He worked at Empathy Manor Organics (Nigerian company based in Kigali) as an interviewer. He is the Social media content creator. He was director of Sunday Choice Live (The leading entertainment TV weekly show in Rwanda aired at Isibo Tv). He is a House and Roadshow DJ. Since May 2023 he works at Inyarwanda.com /Tv email:filousteven@gmail.com, Tel: 0786126175