Jamie Foxx yamaze kuva mu bitaro
Umwe mu bakinnyi beza ba filime, Jamie Foxx yaciye ku rubuga rwa Instagram ahishura ko yamaze gukira, yagarutse ku mihanda.
Mugitondo cyo kuri uyu wa Kane, 4 Gicurasi 2023 byamenyekanye ko umukinnyi wa filime w'Umunyamerika, Jamie Foxx yamaze gukira. Byahamijwe na we ubwe witangarije ko yamaze kugaruka ku mihanda nyuma y'igihe kitari gito arwariye mu bitaro.
Jamie Foxx wanejeje imbaga aciye mu gukina filime, yaciye ku rukuta rwe rwa Instagram avuga ko yamaze gukira indwara yari yaramuhejeje mu bitaro. Abafana be na bo ntibatanzwe kumwakirana ubwuzu.
Hari uwamwifurije ikaze amubwira ati;" Urakaza neza kirangirire mu gukina filime, turagukunda."
Umukobwa wa Jamie Foxx, Corinne wafashe iya mbere ahamagarira abantu kumusengera ngo akire vuba, na we yagaragaye mu mashusho yashyize hanze, asakazwa n'igitangazamakuru "TMZ," yishimiye kugaruka kwa se. Yaboneyeho gushimira abantu bose bamusengeye akaba agarutse amahoro.
