Cristiano Ronaldo ni we uza ku isonga mu bakinnyi bakize
Umunya-Portugal Cristiano Ronaldo ukina mu ikipe ya Al-Nassr muri Saudi Arabia ni we wa mbere ku rutonde rw'abakinnyi bahembwa menshi muri Forbes.
Nkuko ikinyamakuru Forbes kibitangaza, umukinnyi w'umupira w'amaguru Cristiano Ronaldo yabaye umukinnyi uhembwa menshi ku isi, nyuma yo kwerekeza mu ikipe ya Al-Nassr muri Saudi Arabia umushahara we ukikuba kabiri.
Uyu mugabo yinjiye mu ikipe yo muri Saudi Arabia muri Mutarama 2023, nyuma yo kuva muri Manchester United umwaka ushize.
Uko urutonde ruhagaze.
1.Cristiano Ronaldo:miliyoni 136 z'amadolari y'Abanyamerika.
2. Lionel Messi: miliyoni 130 z'amadolari y'Abanyamerika.
3.Kylian Mbappé: miliyoni 120 z'amadolari y'Abanyamerika.
4.Lebron James: miliyoni 119.5 z'amadolari y'Abanyamerika.
5. Canelo Álvarez: miliyoni 110 z'amadolari y'Abanyamerika.
6. Dustin Johnson: miliyoni 107 z'amadolari y'Abanyamerika.
7. Phil Mickelson: miliyoni 106 z'amadolari y'Abanyamerika.
8. Steph Curry: miliyoni 100.4 z'amadolari y'Abanyamerika.
9.Roger Federer: miliyoni 95.1 z'amadolari y'Abanyamerika.
10. Kelvin Durant:miliyoni 89.1 z'amadolari y'Abanyamerika.
Ronaldo ni we uza ku isonga mu bakinnyi bakize ku nshuro ya mbere kuva muri 2017 akaba yicaye imbere ya mukeba we Lionel Messi ukurikirwa na mugenzi we Kylian Mbappé, uza ku mwanya wa 3 na miliyoni 120 z'amadolari.
Abakinnyi batatu b'umupira w'amaguru bakurikirwa na Lebron James w'icyamamare muri NBA ku mwanya wa kane , aho umuteramakofi ukomoka mu gihugu cya Mexico Canelo Álvarez afunga urutonde rwa batanu ba mbere.
