Erling Haaland yaciye agahigo kaherukaga mu 1927/28
Uyu mukinnyi wa Manchester City yisubije umwanya wa mbere muri Premier League n’amanota 79, ni we wa mbere utsinze ibi bitego byinshi muri shampiyona y’imikino 38, ahigitse Mohamed Salah watsinze 32 mu 2017/18. Abandi babitsinze hakinwa imikino 42.
Mu ijoro ryakeye ryo ku wa Gatatu tariki ya 03 Gicurasi 2023, nibwo Haaland yatsinze igitego cya 35 ubwo Manchester City yatsindaga West Ham United 3-0 byatumye uyu mukinnyi w’imyaka 22 atambuka ku bitego 34 byigeze gutsindwa na Alan Shearer na Andrew Cole.
Umukino urangiye kuri Etihad Stadium, uyu mukinnyi yakorewe umurongo mu kibuga hagamijwe kumuha icyubahiro ku bw’agahigo yari amaze gushyiraho, anyura hagati y’abakinnyi bagenzi be n’abatoza bamukubita mu mugongo.
Haaland aracyafite amahirwe yo kongera ibitego bye kuko Manchester City igifite indi mikino itanu izakina muri uyu mwaka w’imikino.
Uyu mukinnyi wa Manchester City yisubije umwanya wa mbere muri Shampiyona y'Abongereza ( English Premier League) n’amanota 79, ni we wa mbere utsinze ibi bitego muri shampiyona y’imikino 38, ahigitse Mohamed Salah watsinze 32 mu 2017/18. Abandi babitsinze hakinwa imikino 42.
Ibitego 35 yatsinze ni byo byinshi bitsinzwe n’umukinnyi umwe mu cyiciro cya mbere mu Bwongereza kuva Ron Davies atsinze 37 ubwo yakiniraga Southampton mu 1966/67, mu gihe Dixie Dean yatsinze 60 mu mikino 39 akinira Everton mu mwaka w’imikino wa 1927/28.
