Kuki "Luka Modric"ashobora kubura ku mukino wa 1/2 cya UEFA Champions League?
Uyu musore w' Umunya-Korowasiya, Modric ukinira ikipe ya Real Madrid yo muri Esipanye ashobora kubura ku mukino wa 1/2 cya Champions League ku bw'impamvu z'imvune.
Luka Modric w'imyaka 37 umaze gukina imikino 44 muri Real Madrid muri iyi shampiyona y'uyu mwaka 2022/2023 yatsinzemo ibitego 6 ndetse muri iyi shampiyona yitwa Laliga Santander (Espanye) yatsindagiye ibikombe 5 muri shampiyona 11 yakiniye iyo kipe ye. Kubera ikibazo k'imvune ngo ashobora kumarana ibyumweru 2, ashobora kutazakina umukino wa kimwe cya kabiri (1/2) cy'amakipe yabaye aya mbere iwayo ku mugabane w' i Burayi (UEFA Champions League) uzaba ku wa 9 Gicurasi 2023 uzabahuza na Manchester city.
Umutoza wa Real Madrid, Carlo Ancelotti yaganiriye n' itangazamakuru agaruka ku mvune ya Modric, ati "Turababaye nizera ko azagaruka vuba."
Iyi kipe yatangaje ko uyu musore yagize imvune y'imitsi ku kibero k'ibumoso. Iyi mvune ngo ishobora kuzamara ibyumweru 2, ibyo bikazatuma adakina umukino wa nyuma wa Copa del Rey ku wa 6 Gicurasi.
Modric yabaye umukinnyi w'ingenzi kuri Carlo Ancelotti na Real Madrid mu myaka yashize kuko Ballon d'or ya 2018 yabaye iye ndetse kuva yakwinjira muri Esipanye mu Mpeshyi ya 2012 yagize uruhare rukomeye muri iyi kipe icyo gihe kuko Real Madrid yashoboye kwegukana UEFA Champions League eshanu.
