menya amateka ya Manchester city yegukanye English premier league 2020-2021
Ikipe y’umupira w’amaguru Manchester City n’imwe mu makipe agize Shampiyona y’igihugu cy’u Bwongereza kandi ikaba ishingiye mu guhangana cyane muri Shampiyona kugira ngo ibe ubukombe ndetse no kwigarurira imitima ya benshi ku isi.
Ubundi iyi kipe yashinzwe mu mwaka 1880 ishingwa n’umugabo witwaga mutagatifu Mark , icyo gihe hari mu gace ka West Gorton.
Nyuma yo gushingwa n’uyu mugabo ukomeye cyane mu mwaka 1887 iyi kipe yahise ijya mu maboko y’umuryango wa Ardwick Association Football Club gusa mu mwaka wa 1894 iyi kipe iza kwitwa ku mugaragaro izina rya Manchester City.
Uko imyaka yagiye ishira niko iyi kipe yagiye itera imbere gusa ikaza kuba ibangamirwa no kutagira imitungo ihagije yabaga yayifasha mu kwegukana ibikombe ndetse no kubaka igitinyiro mu gihugu cy’u Bwongereza.
Manchester City yatangiye gukina Shampiyona y’u Bwongereza mu mwaka 1892 icyo gihe Shampiyona yitwaga The Football League.
Mu mwaka 1904 iyi kipe nibwo yatwaye igikombe cyayo bwa mbere mu mateka kuko yegukanye igikombe icyo cya FA CUP.
Manchester City nyuma yo kwegukana igikombe cyabo cya mbere mu mateka , iyi kipe ntiyigeze yirara ngo yicare kuko mu mwaka 1936 -1937 yatwaye igikombe na none cyabo cya mbere cya Shampiyona , nibwo bwa mbere Manchester City yari igeze kuri aka gahigo ko gutwara igikombe cya Shampiyona.
Manchester City itari ikipe ikomeye cyane muri iyi myaka yo hambere yongeye gukoza intoki ku gikombe cya Shampiyona mu mwaka 1967-1968 ni nyuma y’imyaka 31 yose itaba kugitwara gusa ntibyakuyeho ko yegukanye igikombe cyabo cya kabiri mu mateka ya Shampiyona.
Kuva Manchester City yatwara igikombe cya kabiri muri Shampiyona yahise igenda irabura ikubitwa n’ikibazo cy’ ubukene ntiyongera kuvugwa .
Gusa dusubiye inyuma ho gato mu mwaka 1960 nibwo iyi kipe ya Manchester City yegukanaga igikombe cyabo cya mbere cyo ku mugabane w’i Burayi cyitwaga European Cup Winners Cup , uyu mwaka ni naho Manchester City yarigize umwaka mwiza mu mateka yayo kuko yanegukanye ikindi gikombe cya FA CUP ndetse na League Cup .
Iki gihe iyi kipe yari mu maboko y’abagabo babiri harimo uyu Joe Mercer ndetse na Malcolm Allison.
Mu mwaka 1981 Manchester City nyuma yo kubura igikombe cya FA CUP itsindiwe ku mukino wa nyuma , iyi kipe yahise ijya mu bihe bibi cyane kugeza ubwo mu mwaka 1998 yari igiye no ku manuka mu cyiciro cya Kabiri ariko kubwo amahirwe ikarokoka.
Mu mwaka wakurikiyeho ubwo ndavuga 2000-2001 iyi kipe yiminjiriyemo agafu bituma noneho iguma mu makipe agomba ku guma mu kiciro cya mbere ari nako byagenze no mu mwaka wa 2002-2003.
Nyuma yo kumererwa nabi kw’iyi kipe yewe hafi yo kuba yanamanuka mu kiciro cya kabiri.
Mu mwaka wa 2008 iyi kipe yahise igurwa n’itsinda ry’abaherwe bo mu gihugu cya Abu Dhabi maze bayishoramo akavagari k’amafaranga menshi arenga miliyari 210 z’amapawundi aribyo byahise bituma iyi kipe noneho izanzamuka ikubita amakipe karahava.
Manchester City imaze kubona aya mafaranga menshi yahise yihutira kubaka Staff yayo , kureba ibyo ikipe ikineye cyane kandi no kubaka kaminuza nziza cyane ya Etihad Campus ku mafaranga arenga miliyoni 150 z’amapawundi yose bayitanzeho bayubaka .
Nyuma yo gukora ibi byose noneho ikipe yahise itangira gutsinda , maze bidatinze mu mwaka wa 2011-2012 batwara igikombe cyabo cya gatatu cya Shampiyona baherugaka mu myaka 44 yari ishize.
Sibyagarukiye aho ngaho gusa kuko mu mwaka ukurikiyeho iyi kipe yongeye gutwara igikombe cyabo cya kane cya Shampiyona ubwo hari 2013-2014.
Haciyemo imyaka ibiri iyi kipe kandi na none yongeye gutwara ikindi gikombe cyabo cya Shampiyona ubwo cyari kibaye icya gatanu mu mateka yabo mu mwaka wa 2017-2018.
Iki gikombe bagitwaye nyuma yo kugura umutoza Pep Guardiola uzwiho kuba azi gutwara ibikombe gusa nkuko amateka ye abigaragaza mu makipe yose yagiye atoza.
Mu mwaka wa 2018-2019 Manchester City yongeye na none gutwara igikombe cya Shampiyona ikoze n’amateka atarakorwa n’indi kipe n’imwe yo kugera ku gahigo ko kugira amanota 100 yose muri Sezo imwe., mu gihe no mu mwaka wa 2020-2021 yongeye kucyegukana.
Kugeza ubu mu myaka 11 ishize iyi kipe iguzwe n’abaherwe bo muri Abu Dhabi imaze kwegukana ibikombe 5 byose bya Shampiyona harimo ishuro eshatu zukurikiranya.
DORE IBIKOMBE BYOSE IKIPE YA MANCHESTER CITY IMAZE GUTWARA MU MATEKA YA SHAMPIYONA Y’U BWONGEREZA
- 1936-1937 Cup
- 1967-1968 Cup
- 2011-2012 Cup
- 2013-2014 Cup
- 2017-2018 Cup
- 2018-2019 Cup
- 2020-2021 Cup
