P. Diddy yongeye kuba ingaragu
Umwe mu baraperi bo muri Leta Zunze Ubumwe z' Amerika, P. Diddy yatangajwe ku rutonde rw'abatandukanye n'abakunzi babo.
Imwe mu nkuru zigezweho muri Leta Zunze Ubumwe z' Amerika n'iyitandukana ry' umuraperi rurangiranwa Sean Combs uzwi nka Puff Daddy cyangwa se P. Diddy n' uwahoze ari umugore we witwa Caresha Romeka Brownlee uzwi nka Yung Miami wo mu itsinda rya CityGirls.
Iryo tandukana rya P. Diddy w'imyaka 53 na Yung Miami w'imyaka 29 ryahishuwe n' uyu muhanzikazi na we uririmba mu njyana ya rapu (rap) ubwo yarari mu kiganiro na kimwe mu bitangazamakuru byo muri Leta Zunze Ubumwe z' Amerika.
Umunyamakuru yaramubajije niba we na P. Diddy bakibana nk'umugabo n'umugore.
Yagize ati;" Ntabwo tukibana nk'umugabo n'umugore. Turi inshuti bisanzwe."
Igitangazamakuru "Rap Up" cyanditse ko aba bombi batandukanye nyuma yo kugaragara mu ruhame inshuro nyinshi baryohewe n'ikibatsi cy'urukundo.
Uyu mukobwa Yung Miami abarizwa mu itsinda rya CityGirls ahuriyemo n'undi mukobwa witwa JT. P. Diddy we ni umuraperi, inararibonye mu muziki n'umwanditsi mwiza w'indirimbo.
