Impamvu yatumye Messi ahagarikwa muri Paris St Germain
Lionel Messi w'imyaka 35 ukinira ikipe ya Paris st-Germain yo mu Bufaransa yahagaritswe ibyumweru bibiri kubera urugendo yakoze rwo kujya muri Saudi Arabia.
Muri iki cyumweru uyu musore wegukanye igikombe cy'isi mu ikipe y'igihugu ya Argentina yahagaritswe ibyumweru bibiri nyuma yo kujya muri Saudi Arabia atabiherewe uburenganzira n'ikipe ye. Urugendo rw'uyu mugabo rwakurikiwe no gutsindwa n'ikipe ya L'Orient ku cyumweru aho Messi yakinnye uyu mukino iminota 90 yuzuye.
Messi yemera ko mu ntangiriro yari afite uruhushya rwo kujya muri Saudi Arabia ariko nyuma bigakurwaho kubera guhindura gahunda y'imyitozo y'iyi kipe ya PSG .
Uyu mukinnyi umaze kwibikaho ibikombe byinshi yatwariye mu makipe atandukanye, yatsinze ibitego 31 anatanga ubufasha( assists 34) mu mikino 71 mu marushanwa yose yakinwe na PSG. Messi kandi yegukanye igikombe cya Ligue 1 umwaka ushize (saison) ishize.
Basigaje imikino itatu nyuma yo guhagarikwa kwa Messi. Haracyari akazi ko gushaka igikombe cya Ligue 1 ariko PSG iri mu nzira itarimo Messi. Kuri ubu amasezerano ye y'imyaka ibiri na PSG ararangira muri iyi Mpeshyi.
