Dore inkomoko y'isaha y'akataraboneka iri kwambarwa na Cristiano Ronaldo
Cristiano yahawe isaha nziza yo gutangiza icyegeranyo cya "Jacob& Co," iyo saha igaragaramo ibirori bya Al-Nassr bya mbere byizihiza "siuu".
Iyo saha yahawe rutahizamu w'ikipe ya Al-Nassr ifite agaciro k' amapawundi (pound) 92,000 (£92,000), sosiyete ikora amasaha yasohoye amasaha ane atandukanye mu rwego rwo gukusanya icyegeranyo kigamije kubaha umwuga wa Ronaldo hamwe n'ibirori bya mbere bya Al-Nassr byizihiza "siuu."
Jacob Arabo washinze ikirango kizwi cyane cya "Jacob& Co (Jacob&Cob) yagize ati" umufatanyabikorwa w'inshuti Cristiano yagaragaye mu muhango wo gutangiza butike ya Riyadh ya "Jacob &Co."
Yakomeje agira ati;" Twishimiye gufungura butike yacu ya KSA no kuzana ibicuruzwa n'ibishushanyo bidasanzwe ku baturage beza ba Saudi Arabia."
Ronaldo yagaragaye ku ifungura ry'amaduka yabo ya butike muri Saudi Arabia aho uyu mukinnyi w'icyamamare akomeje ubucuruzi bwe na Al-Nassr mu rwego rwo kuba ambasaderi.
Mu mafoto aberekana k'urubuga rwa Instagram uyu rutahizamu w'ikipe ya Al-Nassr yari yambaye isaha ya "Jacob &Co" yitiriwe izina rye "Umutima wa CR7"( heart of CR7) kandi irimo n' ishusho ye.
Uyu rurangiranwa mu gukina umupira w'amaguru Cristiano Ronaldo yageze mu ikipe ya Al-Nassr mu ntangiriro z'uyu mwaka aho akomeje gukorera imishinga ye.
