"Dore aho tugeze twica umuziki nyarwanda" Bruce Melodie yavugiye ku bamuvuga
Umuhanzi rurangiranwa Bruce Melodie werekeje mu gihugu cya Nigeria ari kumwe n' uwamushoyemo imari Coach Gael batibagiwe na Element. Ari imahanga, yaninuye ababavuga ngo bari kwica umuziki nyarwanda.
Umuhanzi nyarwanda uri mu bari imbere mu muziki wo mu rw' imisozi igihumbi Itahiwacu Bruce Melodie uri kubarizwa mu gihugu cya Nigeria n'umushoramari bakorana uzwi nka Coach Gael n'umuhangamiziki (producer) Element, aho bagiye mu bikorwa bijyanye n'umuziki. Bruce Melodie yaciye ku rubuga rwa Twitter aninura abirirwa bavuga ngo Melodie, Coach Gael na Element, bari gusubiza hasi umuziki nyarwanda.
Bruce Melodie utajya ubabazwa no kuvugwa nabi we akagaragaza ko ahubwo bimwinjiriza, yaciye ku rubuga rwa Twitter acyaha abavugavuga ko bari kwica umuziki nyarwanda.
Yagize ati; " Dore ngaha aho tugeze twica umuziki nyarwanda."
Ni inyandiko yasangije abakoresha urubuga rwa Twitter iherekejwe n'ifoto ari kumwe na Coach Gael na Element, igaragaza ko ari kuvugira kubabavuga. Nkuko bizwi nta muntu wakwivuga amabi nta nyungu, ashobora kuyivuga agamije inyungu.
Bruce Melodie we yayivuze akurikira ibyakunze kuvugwa kuri nyiri inzu ifasha abahanzi anabarizwamo yitwa "1:55 am" witwa Coach Gael, ko ari kwica umuziki, ngo yasubije hasi Bruce Melodie na Element ntagikora nka mbere.
Aba bombi mu minsi yashize bagiye mu gihugu cya Nigeria. Bruce yatangaje ko bafite urutonde rurerure rw' abahanzi bashobora gukorana na bo barimo Fireboy DML, Oxlade na Singah.
