Harmonize yatakaje akayabo ku mashusho yakoranye na Spice
Harmonize yaciye ku rukuta rwe rwa Instagram agaragariza akayabo yatakaje ku mashusho yakoranye n'umunyamidelikazi, Spice wo muri Jamaica.
Kuri uyu wa Kane, 18 Gicurasi 2023 nibwo Rajab Abdul Kahali uzwi nka Harmonize cyangwa se Konde Boy yaciye ku rukuta rwe rwa Instagram ahishura ko yatanze arenga miliyoni 150 z'Amanyarwanda (Rwf) ku mashusho y'indirimbo yakoranye n'umunyamidelikazi wo mu Jamaica, Spice.
Uyu Harmonize w'imyaka 33, uri kubarizwa muri Leta Zunze Ubumwe z'Amerika mu rugendo rw'ibitaramo rwahatangiriye ndetse ruzagera n'ahandi, yavuze akari ku mutima nyuma yo kwshyuzwa arenga miliyoni 150 z'Amanyarwanda.
Yagize ati;" Ni ubwa mbere nakwishyuzwa agera ku bihumbi ijana na mirongo itanu by'Amadolari y'Abanyamerika (150k $), mu manyarwanda ari hafi miliyoni 160 Rwf, mu gukora amashusho y'indirimbo."
Ako kayabo yagatakaje mu ikorwa ry'amashusho y'indirimbo yise "Miss Bantu" yakoranye n'umunyamidelikazi ukomoka muri Jamaica, Spice, ikaba iri kuri alubumu aherutse gushyira hanze yise "Made for Us." Aba bombi bahuriye muri Leta Zunze Ubumwe z'Amerika.
Mugitondo cyo ku wa 18 Gicurasi 2023, Harmonize yasangije abakoresha urubuga rwa Instagram amashusho amugaragaza ari kumwe n'uwo mukobwa Spice ufite ikimero kidasanzwe, bigaragara ko bari mu ifatwa ry'amashusho y'indirimbo.
Harmonize yatangajwe n'akayabo yatakaje mu mashusho y'indirimbo yakoreye muri Leta Zunze Ubumwe z'Amerika, (photo; Internet)
