Impinduka muri Premier League ya 2022/23!

Shampiyona yo mu Bwongereza yagarutse.

Aug 5, 2022 - 20:46
Aug 6, 2022 - 11:20
 1
Impinduka muri Premier League ya 2022/23!

bimwe mu bintu by'ingenzi wamenya kuri Premier League itangira uyu munsi!

Shampiyona y’ubwongereza English Premier League imwe muzikunzwe n’abatari bake mu bakunzi ba ruhago igakunda kugarukwaho nk’ikunzwe kurusha izindi kubera ihatana riyibamo ndetse n'akayabo k'amafaranga ashyirwamo mwigurwa ry’abakinnyi ndetse n’ibindi bikorwa by’ishoramari muri ruhago.

Premier League iratangira uyumunsi ku isaha ya Saa tatu za hano iwacu mu Rwanda hagati y’umukino ubimburira iyindi uhuza Crystal Palace na Arsenal amakipe yombi akomoka i Londres mu murwa w’ubwongereza. Amakipe menshi yariyubatse andi akaba agikomeje kwiyubaka dore ko isoko rigifunguye, na Arsenal iri muziyubatse dore ko ubusatirizi bwayo buza kuba buyobowe na rutahizamu ukomoka muri Brasil, Gabriel Jesus, Arsenal yakuye muri Manchester City.

Ni ibihe by'ingenzi umukunzi wa Premier League akeneye kumenya mbere yuko Premier League 2022/23 itangira?

 

  • Akaruhuko k’igikombe cy’Isi

Nkuko imikino y’igikombe cy’isi kizaba mukwezi k’ugushyingo n’ukuboza muri Qatar, premier League izajya mukaruhuko kuva Ugushyingo taliki 13 kugeza Ukuboza taliki 26.

  • Umubare w’abasimbura

Itegeko rishya ryemerera amakipe gusimbuza abakinnyi batanu mu mukino bavuye kuri batatu.

  • Bamwe mu bakinnyi bibihangange amakipe yaguze

Erling Haaland ava Borussia Dortmund ajya Manchester City

Koulibary ava Napoli ajya Chelsea
Darwin Nunez ava Benfica ajya Liverpool
Richarlison ava Everton ajya Tottenham
Gabriel Jesus ava Manchester City ajya Arsenal
Raheem Sterling ava Manchester City ajya Chelsea

  • abakinnyi b’ibihanganjye basohotse muri Premier League

Sadio Mane
Alexandre Lacazette
Paul Pogba
Romelu Lukaku
Antonio Rudiger
Andreas Christensen
Raphinha Belloli

  • Amakipe mashya muri Premier League

Fulham
Bournemouth
Nottingham Forest

  • Gupfukama

Amakipe yo muri Premier League ntazongera gutera ivi kuri buri mukino, Igikorwa gikorwa hamaganwa ibikorwa by'ubugizi bwa nabi bikorwa hashingiye ku irondaruhu, nkuko byakorwaga buri mbere y’umukino, ahubwo ubu bikazajya bikorwa mubihe by'ingenzi gusa nkuko byatangajwe n’inama y’abakinnyi bahagarariye abandi muri Premier League.

Gupfukama bikazakorwa ku mikino Itangira uyu mwaka w’imikino wa Premier League 2022/23, Imikino yo kurwanya irondaruhu ya “No Room for Racism” iba mukwezi kwa cumi n’ukwezi kwa gatatu, imikino ya Boxing Day(amatarliki akurikira noheli) izaba nyuma y’igikombe cy’Isi, Imikino isoza shampiyona n’imikono yanyuma y’ibikombe bya FA Cup na EFL Cup.

  • Imikino ifungura irushanwa

Uyu munsi kuwa gatanu taliki 05 Kanama:

Crystal Palace vs Arsenal

Kuwa gatandatu taliki 06 Kanama:

Fulham vs Liverpool
Bournemouth vs Aston Villa
Leeds United vs Wolverhampton Wanderers
Newcastle United vs Nottingham Forest
Tottenham Hotspur vs Southampton
Everton vs Chelsea

Kucyumweru taliki 07 Kanama:

Leicester City vs Brentford
Manchester United vs Brighton
West Ham vs Manchester City