Ntibisanzwe! Umugabo yananaye indege amasaha arenga 10 agerayo amahoro

Inkuru yabaye kimomo kuri uyu wa Mbere, 24 Mutarama 2022 ko kuri icyi Cyumweru, 23 Mutarama 2022, hari umugabo waciye agahigo mu kunanara indege, yajyeze aho indege yarijyiye amahoro. Ibyo byabere ku ndege; Cargolux Italy yahagurutse muri Johannesburg, Afrika y'epfo, igana mu gihugu cy' Ubuholandi. Ni urugendo rutwara amasaha 11.

Ntibisanzwe ko umuntu yakwihisha mu mapine y'indege kuko ku kibuga cy'indege haba hari utwuma tugenzura indege. Kugendera mu mipine y'indege igihe kirekire ntibyoroshye kuko agenda ahanganye n' umuyaga wo mu kirere. Umugabo utaramenyekana imyaka ye ndetse n' inkomo ye, yaciye ako gahigo maze yihisha mu mipine y' indege abasha kugera iya Armsterdam, Schiphol amahoro.

Igipolisi cy' Ubuholandi cyemeje ayo makuru ko ari impamo. Umuvugizi w' icyo gipolisi cy' Ubuholandi, Joanna Helmonds yagize ati;" Ayo makuru ni ukuri. Mu mapine y' indege yarivuye muri Afrika y'epfo yerekeza ino aha mu Buholandi, twasanzemo umugabo. Uwo mugabo yaracyiri muzima, imiyaga yo mu kirere ntacyo yamutwaye."

" Twamusanzemo bigaragara ko ubuzima bwe bumeze neza ariko birashoboka ko uwo mugabo yaba yakomeretse cyangwa yagize ikindi kibazo ni ku bw' ibyo yahise ajyanwa kwa muganga ubu arimo kwitabwaho n' abaganga."

Ubuyobozi bw' iyo kampani ishinzwe gutwara no gukora  ingendo zo mu kirere zigana mu Buholandi zivuye muri Afrika y'epfo, bwatangaje ko indege ivuye muri Afrika y'epfo igana mu Buholandi ihagarara umwanya muto  ku kibuga cy'indege cy' i Nairobi, Kenya. Harimo gukemanga niba uwo mugabo yarahagurukanye n' iyo ndege i Johannesburg cyangwa i Nairobi.

Igikorwa cyo kunanara indege cyagaragaye cyane mu gihugu cya Afghanistan mu mpeshyi ya 2021, igihe Leta Zunze Ubumwe z'Amerika zari mu gikorwa cyo gucyura Abanyamerika babaga muri Afghanistan. Abanyafghanistani bananaraga ku mipine y'indege y' Abanyamerika bashaka kujyanwa muri Amerika maze bagahuruduka umusubirizo bamwe baza kuhasiga ubuzima.