Afrika: Undi muperezida yahiritswe ku butegetsi (coup d'etat ) n' igisirikare cy' igihugu cye, menya izindi coup d'etat zaranze Afrika

Mu gitondo cyo kuri uyu wa 24 Mutarama 2022, nibwo hasakaye amakuru ku Isi hose ko Perezida wa Burkina Faso, Roch Mark Christian Kabore yamaze guhirikwa ku butegetsi (coup d'etat ) n' igisirikare cy'igihugu. Igisirikare cyimushinja kuba ntibindeba mu mitegekere y' igihugu.

Amakuru yatangajwe n' ibitangazamakuru byo mu burengerazuba bw' Afrika birimo na Daily Post.com, byemeje ko Perezida Kabore yazindutse atabwa muri yombi n' igisirikare. Arazizwa kutita ku baturage ngo akemure ibibazo bikigaragara mu gihugu imbere birimo: imyigaragambyo n' ibitero bya hato na hato by' inyeshyamba.

Bamwe mu baturage batuye mu murwa mukuru wa Burkina Faso; Ouagadougou batangaje ko urusaku rw' imbunda rwatangiye kumvikana mu masaha ya nimugoroba kuri icyi Cyumweru ku wa 23 Mutarama, hafi y' ingoro y' umukuru w'igihugu. 

Hakomeje kugaragara umurongo muremure w' imodoka za gisirikare zihetse imbunda n' amasasu.

Ibyo byakurikiwe na coup d'etat yakozwe kuri uyu wa Mbere. Byaje kwemezwa ko Perezida Kabore yamaze gutabwa muri yombi n' igisirikare cy'igihugu cye.

Bamwe mu bategetse ba Burkina Faso bashatse kuburizamo uwo mugambi ariko abawuteguye bababera ibamba.

Imyaka ishize ari myinshi ari ko umugabane w' Afrika uhinduka indiri ya coup d'etat cyanecyane mu burengerazuba bwawo:  Mu kwa Cyenda 2021 mu gihugu cya Guinea hakozwe coup d'etat, aho umusirikare mukuru ufite ipeti rya koloneli; Col. Mamady Doumbouya yahiritse uwari perezida wa Guinea, Alpha Conde.

Muri Mali, Col. Assimi Goita yahiritse uwayoboraga Mali, Perezida Abrahim Aboubacar Keita.