Kenya: Umwuzure ukomeje kwivugana abaturage

Imvura ikomeje kugwa mu gihugu cya Kenya yateje umwuzure wahitanye abantu 10 mu masaha 24, ni umubare waje wiyongera ku bandi bahitanwe na wo mu minsi yashize.

May 2, 2024 - 16:23
May 2, 2024 - 21:43
 0
Kenya: Umwuzure ukomeje kwivugana abaturage

Imvura yaguye muri Kenya mu ijoro ryo ku itariki ya 01 Gicurasi rishyira ku wa 02 Gicurasi yahitanye abagera ku 10 babaruwe mu masaha 24. Bahise bazamura umubare w'abahitanwe na wo bagera ku 179.

Impera z'ukwezi kwa Kane ndetse n'intangiriro z'ukwa Gatanu (Gicurasi), zabaye mbi bitewe n'imvura ikomeje kugwa mu bice bitandukanye bya Kenya aho yateje umwuzure wahitanye abaturage kuri ubu bamaze kugera ku 179; barimo abakuru 164 n'abana 15.

Umuvugizi wa Guverinoma (Kenya) Isaac Mwaura yihanganishije ababuze ababo yongeraho ko uyu mwuzure ukomeje kwivugana ndetse ugakomeretsa abaturage ba Kenya, ubu hakaba hari kubarurwa abakomeretse bagera ku 125.

Yagize ati:"Guverinoma ifashe mu mugongo ababuriye ababo muri uwo mwuzure. Yanifurije gukira vuba kw'abakomerekeye muri iryo sanganya."

Mwaura yahishuye ko habuze abantu 20. Ni umubare wahise uzamura abamaze kubura aho bageze kuri 90.

Uyu mwuzure ukomeje gukura abantu mu byabo aho bagera ku 31, 341 ni mu gihe umaze gusenya inzu zigera ku 1,127. Mwaura yakomeje avuga ko Guverinoma ikomeje gufasha abagizweho ingaruka n'umwuzure, babashakira aho baba. 

Niyonkuru Augustin He is a journalist. For more information, please contact him; +250781548774.