Rayon Sports yongeye gutsindwa, Muhanga isubira mu cyiciro cya kabiri
Mu mikino y’ibirarane ya shampiyona yakinwe kuri uyu wa kabiri, ikipe ya Muhanga yatsinzwe na Etincelles ihita imanuka, mu gihe Rayon Sports yatsinzwe na Rutsiro FC.
Ku kibuga cya Bugesera, habereye imikino ibiri y’ibirarane yari yasubitswe kubera ubwiyongere bw’icyorezo cya COVID-19, aho Rutsiro yari yakiriye Rayon Sports, naho Etincelles yakira Muhanga.
Muhanga yatsinzwe na Etincelles, ihita isubira mu cyiciro cya kabiri
Ni umukino watangiye i Saa Sita zuzuye, aho AS Muhanga ari yo mahirwe yari ifite yo kuba yaguma mu cyiciro cya mbere, ndetse na Etincelles ikaba yari yizeye uyu mukino ngo ibe yagira icyizere cyo kutamanuka.
Uyu mukino waje kurangira Etincelles inyagiye AS Muhanga ibitego 4-0, byatsinzwe na Isaac Muganza ku munota wa 10, ibindi bitatu bitsindwa na Brahim Hassan Djibrine ku munota wa 45’, 54’ ndetse na 61’.
Iyi kipe ya Rayon Sports yaherukaga gutsindwa na APR FC mu cyumweru gishize, yinjiye mu kibuga idafite abakinnyi barimo Héritier Luvumbu ndetse na Jean Vital Ourega bari bakinnye uwo mukino.
Rayon Sports yatsinzwe igitego cya mbere ku munota wa 15 kuri Penaliti yatsinzwe na Ndarusanze Jean Claude, aza no kuyitsinda ikindi ku munota wa 50 w’umukino
