Rayvanny arishimira gutsinda Diamond Platinumz
Rayvanny wahoze mu kwaha kwa Diamond Platinumz nyuma akaza kuhava agashinga inzu ireberera abahanzi inyungu "Next Level Music" yagaragaye ko ari we muhanzi wa mbere muri Tanzania wakunzwe kurusha n'uwo wahoze ari umuyobozi we.
Kuri uyu wa Mbere, 1 Gicurasi 2023 nibwo hashyizwe hanze urutonde rugaragaza uko abahanzi bo muri Tanzania barebwe ku rubuga rwa YouTube mu kwezi gushize kwa Kane. Rayvanny ni we waje ayoboye n'inshuro yarebwe zirenga miliyoni 40. Ni mu gihe Diamond Platinumz we yarebwe inshuro zirenga miliyoni 35.
Nkuko bigaragazwa n'urwo rutonde rwashyizwe hanze rugaragaza uko abahanzi bo muri Tanzania bakunzwe ku rubuga rwa YouTube, uyu Raymond Shaban wamamaye nka Rayvanny yeretse igihandure uwahoze amureberera inyungu ari we Diamond Platinumz.
Yasezeye mu nzu ureberera inyungu abahanzi ya Diamond yitwa "Wasafi Classic Baby, WCB) ajya gushinga iye ayita "Next Level Music."
Aba bombi baherutse guhurira mu ndirimbo bise "Nitongoze" ni na yo yegukanye igihembo cy'indirimbo yahuriweho n'abahanzi nziza y'umwaka (Best collabo) mu itangwa by'ibihembo bya "TMA."
