TheChoice Awards: Dore abatahanye ibihembo
Ibihembo bya"TheChoice Awards" byaraye bitanzwe ku mugaragaro. Thefacts.rw yabegeranyirije ababyegukanye mu byiciro bitandukanye.
Kuva ku mugoroba gushyika mu ijoro ryo ku wa 30 Mata 2023, byari ibirori muri Parkinn by Radisson ahatangirwaga ibihembo bya "TheChoice Awards" ku nshuro ya gatatu. Byatanzwe mu byiciro 13. Aho byashimiraga abagize uruhare mu myidagaduro mu mwaka washize, 2022. Byihariwe n'umuhanzi nyarwanda Bruce Melodie wegukanyemo bibiri.
Umuhanzi mwiza w'umwaka yabaye Bruce Melodie.
Umuhanzikazi mwiza w'umwaka yabaye Alyne Sano.
Umuyobozi mwiza wayoboye neza amashusho y'indirimbo ni uwitwa Gad.
Amashusho meza y'indirimbo y'umwaka yabaye ay'indirimbo "Funga Macho" ya Bruce Melodie.
Umuhanzi mushya mwiza w'umwaka yabaye Afrique.
Umukinnyi mwiza wa filime yabaye Niyitegeka Gratien uzwi nka Papa Sava cyangwa Seburikoko.
Umukinnyikazi mwiza wa filime yabaye Nyambo Jesca.
Umuntu w'icyitegererezo mwiza w'umwaka, wahinduye byinshi (best influencer) yabaye umukinnyikazi wa filime, Alliah Cool.
Umuntu wabaye indashyikirwa mu bikorwa bye, akagera kure (Icon)yabaye umusifuzikazi mpuzamahanga, Salma Mukasanga.
Umubyinnyi mwiza w'umwaka yabaye Jojo Breezy.
Umukinnyi mwiza w'umwaka wa 2022 yabaye Bigirimana Abed
Inzu ihanga imideli yakoze cyane muri uriya mwaka ni Joyce Fashion Design.
Umuvanzi w'imiziki mwiza w'umwaka yabaye Dj Brianne.
Uwaririmbye indirimbo zo kuramya no guhimbaza Imana akarusha abandi yabaye Israel Mbonyi. Uyu aherutse kuzuza BK Arena, mu gitaramo ke cyabaye ku wa 25 Ukuboza 2022, ibintu byari byarananiye abandi bahanzi bose yaba abanyarwanda cyangwa se abanyamahanga.
