Uko Made Beats yagambaniye The Ben
Hakomeje gucicikana amajwi yumvikanisha ko The Ben yizaniye Made Beats muri Tanzania birangira amurunduye.
Mu mpera z' umwaka wa 2021 nibwo amakuru yacicikanye ko umuhanzi nyarwanda karundura Mugisha Benjamin uzwi nka The Ben ko yari muri Tanzania ari kumwe n' umushoramari cyangwa se umushabitsi mu nguni zitandukanye zirimo n' umuziki akaba ari Coach Gael. Bari muri Tanzania bari mu mushinga mugari wo gukora umuzingo (alubumu) wa The Ben harimo n' iyo yari gukorana na Diamond Platinumz. The Ben yazanye Made Beats i Dar Es Salaam birangira amurunduye.
Mu kiganiro cyaciye ku rubuga rwa Twitter kimaze kumenyerwa nka Twitter Space cyari kiyobowe n' uwitwa GodFather, cyagarutse no kwitandukana rya The Ben na Coach Gael.
Mu mpeshyi ya 2021 nibwo The Ben na Coach Gael bafashe umwanzuro wo kuva muri Leta Zunze Ubumwe z' Amerika berekeza muri Tanzania baje gukora alubumu ya The Ben aho bari bafitemo izo bakoranye n' ibihangange mu muziki birimo na Diamond Platinumz, ni indirimbo bari bise " Why."
Gael yari afite intego yo gushoramo imari naho The Ben we agakora umuziki.
Uyu muhanzi The Ben ufite izina rikomeye mu muziki nyarwanda n' imahanga, bamaze kugera muri Tanzania yafashe umwanzuro wo guhamagara umuhangamiziki (producer) Made Beats kugira ngo bakorane kuri uwo mushinga waciyemo na Diamond Platinumz.
Made Beats yitabye telefone ya The Ben, ahita yerekeza muri Tanzania.
The Ben yatangiye kugirana ibibazo n' uwamushoyemo, ari we Coach Gael
Uko iminsi yagiye yicuma byagaragaye ko Made Beats yagiriye inama Coach Gael ko hari undi muhanzi mwiza ukora neza ngo urusha na The Ben, amurangira Bruce Melody. Uwo mushoramari yahise amwumvira.
Uyu Mugisha The Ben yamenyeshejwe n' umushoferi wabatwaraga ko Made Beat yamaze kumugambanira ndetse yamaze gutumiza undi muhanzi w' Umunyarwanda ari we Bruce Melody. Yahise ahishura ko uwo yikururiye ari we umukozeho, amwangishije uwo bemeranyijwe ko agiye kumushoramo.
The Ben wari ugeze kure amashusho y' indirimbo "Why" yakoranye na Diamond Platinumz byaramubabaje cyane ndetse bibera bityo na Diamond wumvise ko harimo ubugambanyi. Barafashanye indirimbo "Why" irarangira.
Made Beats, Bruce Melody na Gael bahise bajya kureba uhanganye na Diamond ari we Harmonize bakora iyo bise "Totally crazy." Ni indirimbo Bruce Melody yahuriyemo na Harmonize.
Made Beats yazanwe na The Ben muri Tanzania, birangira akomeje gukorana na Coach Gael, The Ben we asigara aririmba urwo yabonye (photo; Instagram)
