Umukobwa w’uburanga burangaza ibyamamare Yolo The Queen akomeje kuvugisha menshi Drake
Drake uri mu bakurikira uyu munyarwandakazi witwa Yolo The Queen kuri Instagram yagaragaje amarangamutima anamubaza aho yari yaragiye mu gihe cyose yamaze nta kintu ashyira kuri Instagram ye.
Umubano hagati ya Drake ukomeje gufata indi ntera dore ko ku munsi w’ejo ubwo Yolo The Queen yagarukaga ku rubuga rwa instagram hari hashize amezi abiri uyu mukobwa atagaragara kuri uru rubuga ndetse nta n’ifoto ashyiraho.
Drake ni umwe mu bashimishijwe no kugaruka kwa Yolo The Queen kuri instagram ndetse aciye no mu handikirwa ubutumwa (inbox) yandikiye Yolo The Queen amagambo agira ati « It’s been so long u disappeared » bisobanuye mu kinyarwanda ngo ’Hashize igihe kinini warabuze’, bigaragaza ko yari amukumbuye cyane. Yolo The Queen yaherukaga gushyira hanze amafoto ye kuri instagram mu mpera z’ukwezi k’Ugushyingo gusa kuri ubu yongeye kugaruka kuri instagram aho yashyize hanze amafoto atandukanye.
Kugira ubwiza burangaza benshi ndetse n’imiterere ikurura benshi bigahuzwa no kwibanda mu gukoresha imbuga nkoranyambaga nibyo byatumye umukobwa uzwi nka YOLO THE QUEEN ku mbuga ze nkoranyambaga agaragarizwa urukundo n’ibyamare bikomeye cyane nka DIAMOND Platnumz ndetse n’umuraperi ukomeye cyane ku Isi DRAKE.
Ntabwo ari abo gusa bamukurikira kuko n’abandi benshi b’ingeri zitandukanye baramukurikira ndetse usanga badahwema no kumugaragariza ko bamukunze ’LIKE’ banyuze kurizo mbuga nkoranya mbaga ze.
Ahanini uyu mukobwa w’umunyarwandakazi mu bintu bituma akunzwe cyane n’ibyamamare ku mbuga nkoranyambaga nka Instagram, harimo imiterere y’umubiri we ndetse n’uburanga bwe butangarirwa n’abatari bake.
Yolo ni umwe mu bakobwa bake b’abanyarwanda bigaragaje ku mbuga nkoranyambaga ko bakunzwe n’ibyamamare ku Isi, nyuma ya ShaddyBoo na Kate Bashabe, kuko nabo byagiye bigaragara ko bakundwa n’ibyamamare byiganjemo n’abakinnyi bo mu makipe y’umupira w’amaguru akomeye yo ku Isi.
