Doja Cat yarikoroje ku ukwibagisha kwe

Umuraperikazi wo muri Leta Zunze Ubumwe z'Amerika, Doja Cat amaze iminsi mu bitangazamakuru avugwaho kuba yaribagishije bimwe mu bice by'umubiri we, bikaba ari byo byari bimurembeje. Abantu benshi baca ku mbuga nkoranyambaga zitandukanye bakamushotora babimwibutsa. Hari uwaciye kuri Twitter amubuza kutongera gukangurira urubyiruko kwibagisha. Ibyo yamusubije ni agahomamunwa.

Byagaragaye ko Doja Cat yababajwe n' ubwo butumwa. Uwo muntu ukoresha amazina ya MindyGomez ku rubuga rwa Twitter yagize ati;" Hagarika  gukangurira abakiri bato kwibagisha."

Doja Cat yamusubizanyije uburakari yagize ati;" Umva umusuzi wange ushyushye, umara igihe kirekire usohoka mu kibuno."

Byarangiye Doja Cat yemeje ko yibagishije isura n'amabere. Ahamya ko mu minsi iri imbere azigaragariza abakunzi be. Ngo azabereka uburyo amabere ye yabaye mato n' ubwiza bw' umubiri we byatewe n' uko kwibagisha. Yahishuye ko arimo kugenda akira uko kwibagisha.

Ibyo byahise byemeza ko nta kabuza Doja Cat yamaze kwibagisha bimwe mu bice by'umubiri we.

Ku wa Mbere w' icyi Cyumweru Doja Cat yahuye n'amahirwe yo kwegukana igihembo cy' umuhanzi wakinwe cyane w' umwaka mu itangwa ry'ibihembo bya "iHeartRadio Music Awards."

Uyu muraperikazi akaba akomeje kumenyekanisha ko mu minsi iri imbere azashyira hanze alubumu yise " Urwinjiriro rw' Ikuzimu, Hellmouth."