Don Jazzy yahishuye icyamusenyeye urugo ndetse gikomeje kumuzirikira kudashaka

Umwe mu bahanga mu gutunganya indirimbo wo mu gihugu cya Nigeria, Don Jazzy yavuze ko yatandukanye n’umugore we basezeranye kubera umuziki, none ukomeje kumuhuza cyane.

Jun 5, 2024 - 18:54
Jun 5, 2024 - 18:58
 0
Don Jazzy yahishuye icyamusenyeye urugo ndetse gikomeje kumuzirikira kudashaka

Michael Collins Ajereh uzwi nka Don Jazzy mu ruganda rw’imyidagaduro mu gihugu cya Nigeria yavuze ko yatandukanye n’umugore we kubera kurutisha umuziki umuryango. Ubu urukundo rwawo rukomeje kumubuza kurushinga.

Yagize ati:”Natandukanye n’umugore wanjye twasezeranye kubera ko nitaga cyane ku muziki nkawurutisha umuryango. Ndi uvuga rikumvikana nkaba n’umuhanga mu gutunganya indirimbo. Mu by’ukuri, biracyagoranye ko narushinga, nkabana n’umugore mu rugo.”

“Umunsi umwe, numva nafata umwanzuro nkarushinga ikindi gihe nkabivamo. Mbona nta kintu kirenze umugore yamenyaho abandi bantu batanziho; birazwi ko nitwa Don Jazzy, umuyobozi w’inzu ireberera ndetse igatunganya indirimbo izwi nka ‘Mavin Records,’ ntunganya indirimbo ikindi nkaba umwana w’Imana.”

Yavuze ko urushako rwe rwamusubije hasi mu buhanzi ndetse no mu bukungu. Yakomeje agira ati:”Ngishaka umugore mu myaka yatambutse (mbere yuko batandukana), natangiye guhomba, nta kintu nakuraga mu muziki. Nyuma naje kujya njya cyane gukorera muri studio, mpa umwanya munini studio. Birumvikana nasigaga umugore wanjye mu rugo wenyine nkajya gutunganya umuziki. Nagize amahirwe uwo mugore twashakanye asobanukirwa ko umuziki ukenera igihe kinini. Nahaye igihe kinini umuziki, mbirutisha umuziki. Nyuma urugo rurasenyuka”

“Ubu rero numva byankomerera kubwira umugore naba narashatse ko ngiye kumusiga mu rugo wenyine, ngiye muri studio gukora umuziki!”

Don Jazzy w’imyaka 41 washinze inzu itunganya umuziki ndetse ikareberera inyungu z’abahanzi izwi nka ‘Mavin Records’ yahishuye ko azongera gushinga urugo igihe nikigera.

Urubuga rwa legit.ng rugaragaza ko Don Jazzy yafashe umwanzuro wo kurushinga mu mwaka wa 2003. Yarushinze n’umugore witwa Michelle Jackson. Batandukanye mu mwaka wa 2005.

Niyonkuru Augustin He is a journalist. For more information, please contact him; +250781548774.