Ibyo gucezereza mu mashusho y'indirimbo 'Hoozambe' byamusize habi mu rukundo

Umukobwa wo mu gihugu cya Uganda uzwi kuri TikTok nka Shifrah yahishuye ko nyuma y'isakazwa ry'amashusho ye yicaye ku kibero cy'umuhanzi witwa D Star, bari kuririmba indirimbo ye 'Hoozambe,' umusore bakundanaga yayabonye agahita amwanga.

Jun 12, 2024 - 21:27
Jun 12, 2024 - 23:14
 0
Ibyo gucezereza mu mashusho y'indirimbo 'Hoozambe' byamusize habi mu rukundo

Amashusho y'umuhanzi ukizamuka wo mu gihugu cya Uganda witwa D Star yicaweho ku kibero n'umukobwa uzwi nka Shifrah baryohewe n'indirimbo ye yitwa 'Hoozambe,' akomeje gucicikana kuri TikTok, yatumye umusore yakundanaga n'uwo mukobwa amwanga.

Amashusho y'uyu mukobwa Shifrah akomeje guhererekanwa ku mbuga nkoranyambaga kubera ukuntu aba yishimiye kwicara ku kibero cy'umusore, anazungurizaho ikibuno, akanarebana ubwitonzi muri kamera, maze akarembuza amaso.

Mu kiganiro uyu mukobwa uzwi nka Shifrah yagiranye na Sanyuka TV yahishuye ko ariya mashusho yatumye umukunzi we amubenga.

 Yagize ati:"Ariya mashusho akomeje guhererekanwa kuri TikTok nicaye ku kibero cya D Star twayafashe turyohewe n'indirimbo ye (D Star) yitwa 'Hoozambe.' Nyuma twari tahiye. Yashyizwe hanze ndi mu kazi, arakundwa, maze arasakazwa agera kure."

"Umukunzi wange amaze kuyabona yahise afuha, yibaza impamvu nicaye ku kibero cy'undi musore. Yahise anyanga ubu nta mukunzi mfite."

Shifrah yakomeje avuga ko ubu ari gushakisha undi musore ufite gahunda ngo bikundanire.

Mbu yanditse ko iyi ndirimbo 'Hoozambe' ya D Star ikomeje gukundwa n'abakoresha TikTok ndetse n'abasohokera mu tubari dutandukanye. D Star avuga ko yakuriye mu buzima bwo ku muhanda, agahamya ko aramutse abonye amafaranga ikintu cya mbere yakora ari ugufasha abana bo ku muhanda.

Niyonkuru Augustin He is a journalist. For more information, please contact him; +250781548774.