Nyuma y'ibitekerezo by'abafana ku ndirimbo 'Love Me Jeje' Tems yabasubije
Urukundo rukomeje kugaragarizwa indirimbo ya Tems yitwa ' Love Me Jeje' rwamurenze, ahishura ko atararwiteze.
Umuhanzikazi wo gihugu cya Nigeria, Tems, uherutse gushyira hanze indirimbo yise "Love Me Jeje" yaciye ku mbuga nkoranyambaga zirimo X avuga ko atari yiteze urukundo indirimbo ye iri kugaragarizwa.
Tems uri mu bahanzikazi bagezweho ku mugabane wa Afrika yagize ati:"Ibitekerezo nahawe ku ndirimbo 'Love Me Jeje' byankoze ku mutima. Ndumva nuzuwe n'urukundo nagaragarijwe ntari narigeze nteganya ko narugaragarizwa, nishimiye ibikubiye kuri iyi album."
Mu mpera z'ukwezi kwa Mata 2024 nibwo yashyize hanze amajwi y'iyi ndirimbo 'Love Me Jeje.' Amashusho yayo yajyiye hanze ku wa 04 Gicurasi 2024.
Yakomoje kuri album ye ya mbere "Born In The Wild" igomba kujya hanze yose muri uku kwezi kwa Gicurasi. Ntiyeruye abaza bayiriho bose.
Izaza ikurikiye indi mizingo y'indirimbo uyu muhanzikazi Tems yashyize hanze ariyo EPs ebyiri (2); 'For Broken Ears' na 'If Orange was a place.'
Tems wakoranye indirimbo na Wizkid yitwa 'Essence' nyuma baza kuyisubiranamo na Justin Bieber, arashimira abafana be kubera gukunda indirimbo ye 'Love Me Jeje'
