Umufana wa Man U yateze n'aba Arsenal bamutegeza amagi arenga 15 amugwa nabi
Mbere yuko haba umukino wahuje ikipe ya Manchester United na Arsenal, hari abafana bayo makipe yombi babanje gutega. Hari abateze ko Manchester United nitsindwa aza kurya amagi arenga 15, nyuma yo gutsindwa yemeye igihano.
Kuri uyu wa Kane nibwo inkuru yasakaye mu bitangazamakuru byo muri Kenya ihamya ko umugabo witwa Thomas Kiptanui Kemboi w'imyaka 27 yajyanywe kwa muganga igitaraganya nyuma yo kwiyemeza kurya amagi 15 na yo akamugwa nabi.
Uyu mugabo Thomas wihebeye ikipe ya Manchester United, yateze n'abafana ba Arsenal ko niramuka itsinzwe na Arsenal arya trey(agakoresho bashyiraho amagi) yose y'amagi.
Umukino wa Shampiyona y'Abongereza w'aya makipe yombi yo mu Bwongereza wabaye ku mugoroba wo ku Cyumweru, Saa 17h30' (ku isaha y'i Butare n'i Kigali), umukino warangiye ari ibitego 3-1. Ibyo byatumye Thomas ahanishwa igihano yari yiyemereye kuko ikipe ye yari yatsinzwe.
Nkuko byagaragaye mu mashusho yasakajwe ku mbuga nkoranyamabaga, bigaragara ko uyu mugabo yananiwe n'igi rya 15. Aho yamuguye nabi ahita yihutanwa kwa muganga.
Igitangamakuru RickMedia cyanditse ko nyuma yuko Thomas agejejwe kwa muganga, agahabwa imiti, yorohewe, amererwa neza.
Umuco wo gutega ukunda kugaragara mu matsinda atandukanye y'urubyiruko, aho bamwe batega umubare w'amafaranga runaka abandi abagatega kunywa ingano y'inzoga, baba biteretse. Ibyo akenshi bikunda kutabahira kuko rimwe na rimwe havamo indwano n'indwara.
