Umuhanzi Mohombi wamamaye mu ndirimbo ''Coconut tree'' ari mu mujyi wa Kigali
Mohombi wamamaye mu ndirimbo’’Coconut tree’’ mu myaka 10 ishize ari mu Rwanda ndetse azaririmba mu birori bifungura imikino ya BAL.
Mohombi wamamaye mu ndirimbo’’Coconut tree’’ mu myaka 10 ishize ari mu Rwanda ndetse azaririmba mu birori bifungura imikino ya BAL. Mohombi Nzasi Moupondo afite amamuko yo muri Congo na Suede.
Ni umuririmbyi, umwanditsi w’indirimbo akabifatanya no kubyina. Yakuriye mu gace kitwa Norsborg na Kista hafi y’umurwa mukuru Stockholm. Mu 2011 yasinye amasezerano yo gukorana na Universal Music Group. Muri uwo mwaka nibwo yakoranye na Nicole Scherzinger indirimbo yitwa ‘’Coconut tree’ ikaba imaze kurebwa na miliyoni 96 kuri shene ye ya YouTube.
Mohombi asanzwe aziho gukunda Basketball akaba azaririmba muri iyi mikino izatangira ejo ku cyumweru tariki 16 Gicurasi 2021 ikazasozwa ku ya 30 uku kwezi. Ku myaka 34 y’amavuko akora umuziki wo mu njyana zitandukanye zirimo: Pop,Afro pop, dancehall, R&B, urban pop na dance-pop. Muri iki gitondo yagiye kuri instagram ye yandika ati:’’Waramutse Kigali’’.
