"Amerika ntishaka intambara n'u Bushinwa" Perezida Joe Biden

Perezida Joe Biden w'Amerika yahuye na Perezida w'u Bushinwa Xi-Jimping muri Indonesia mu nama ya G20 bagira ibyo bemeranyaho

Nov 15, 2022 - 21:11
Nov 27, 2022 - 20:20
 0
"Amerika ntishaka intambara n'u Bushinwa" Perezida Joe Biden

Ubu ni inshuro ya 17 hari kuba inama ihuje ibihugu 20  bikize cyane  ku isi, ibizwi nka G20. Iyi nama ikaba yatangiye kuri uyu wa kabiri tariki ya 15 Ugushyingo 2022, ikaba izageza ku wa 16 Ugushyingo 2022. Tubibutse ko iyi nama iri kubera mu gihugu cya Endoneziya (Indonesia) mu kirwa cya Bali.

                           Abitabiriye inama ya G20  muri Indonesia 2022

Iyi nama ikaba iri kwiga kubibazo bitandukanye byugarije isi, harimo nk'ihindagurika ry'ibihe bitewe n'iyangirika ry'ikirere.

Ibihugu byitabiriye iyi nama harimo; Argentina, Australia, Brazil, Canada, China, Germany, France, India, Indonesia, Italy, Japan, the Republic of Korea, Mexico, the Russian Federation, Saudi Arabia, South Africa, Turkey,England ndetse na Leta zunze ubumwe z'Amerika.

                             Ibiganiro hagati ya Biden na Xi-Jimping

Nyuma y'ibiganiro by'uyu munsi nibwo Perezida wa Leta zunze ubumwe z'Amerika Joe Biden yaganiriye na Perezida w'Ubushinwa bwana Xi-Jimping.

Mu biganiro byabereye mu muhezo amasaha arenga atatu baganiriye ibintu bikomeye n'ubwo hatatangajwe ibyavugiwemo. Gusa  nyuma y'uko bose basoje inama bagiranaga baje guhura n'abanyamakuru.

                                 XI-Jumping (ibumoso) Joe Biden ( iburyo)

Biden yabwiye abanyamakuru ati: "Ndizera rwose ko hatagomba kubaho intambara nshya y'ubutita." Yongeyeho ko we na Xi-Jimping “Ari inyangamugayo kandi basobanutse hagati yabo” kandi agaragaza ko ari ngombwa ko ibihugu byabo byombi bishobora gukorera hamwe”

Naho Perezida w'u Bushinwa Xi-Jimping  yashubije mu buryo bumwe na Biden ,yagize  ati: “Ubushinwa n'Amerika, umubano ubu aho uri n'ikibazo kidahuje inyungu z’ibihugu byombi ”kandi yizera ko we na mugenzi we w’Amerika bashobora“ kuyobora umubano w’ibihugu byombi mu cyerekezo cyiza.

Iyi yari inshuro ya mbere aba bayobozi bahura imbonankubone nyuma y'igihe kirekire cy'ubushyamirane hagati y'ibihugu byombi bapfa ikirwa cya Taiwan.

Naho kukibazo cy'intambara yo muri Ukraine bivugwa ko Biden yaba yasabye u Bushinwa kutagira inkunga n'imwe baha  u Burusiya. Gusa mu by'ukuri ntawe uzi icyo aba bategetsi baganiriye kukibazo cya Ukraine.

Muri iyi nama kandi Perezida wa Ukraine Volodymyr y Zelenskyy nawe yayitabiriye mu buryo bw'iyakure, akaba yagejeje ijambo kubitabiriye iyo namo aho nk'ibisanzwe yamaganye  igihugu cy'u Burusiya cyabashojeho intambara.

Nina ko kandi bakeba babo b'i Moscow kwa Vuldmir Putin, nabo bahagarariwe na Minisitiri w'ububanyi n'amahanga Sergey Lavrov.

                     Sergey Lavrov Minisitiri w'ububanyi n'amahanga mu Burusiya

Tubibutse ko iyi nama na Perezida wa Repubirika y'u Rwanda Paul Kagame nawe yayitabiriye. 

                                Perezida Paul Kagame mu nama ya G20

Muri iyi nama kandi Perezida w'Afurika yunze ubumwe bwana Macky Sall nawe yayitabiriye kandi akaba azabagezaho n'ijambo.

IVOMO:  -Ikinyamakuru The Washington Post 

               -Ikinyamakuru TASS( Moscow-Russia)