Umugabo yishe umugore we kubera yanze ko batera akabariro
Umubiri wasabye umugabo ibyishimo mu gihe byagaragaraga ko bitabonetse, umugabo yahise yivugana umugore we wanze kumuha ibyishimo.
Umugabo w'Umutariyani ukomoka mu gace ka Fanano di Gradara, witwa Vito Cangini w'imyaka 80 y'amavuko, yemereye imbere ya polisi yo muri icyo Gihugu ko yateraguye ibyuma umugore we w'imyaka 61 y'amavuko witwa Natalia Kyrychok, amuziza ko yanze ko batera akabariro.
Nyakwigendera yari yemerenyije n'umugabo ko ari buze kumurwanaho, maze umugabo afata ibinini bimwongerera akanyabugabo. Akimara kubinywa umugore yahise amuhakanira amubwira ko ntacyo ari bumufashe. Ariko ngo umugabo we hasi byari byatangiye gucika biri kumusaba ubufasha.
Ku bw'umubiri wari utangiye kumwishyuza kuwushimisha, umugabo yagize umujinya atangira gutongana n'umugore we ari na ko barwana ninde uri hasi, ninde uri hejuru, umugabo ngo arebe ko yakikiranura n'umubiri we utari umworoheye. Birangira umugore abaye ibamba, maze ahitamo kumujombagura umushyo wo mu gikoni.
Umunsi wakurikiye, Cangini yariye ifunguro rya mu gitondo nk'ibisanzwe nk'aho nta cyabaye. Gusa byamenyekanye ubwo yahamagaraga aho umugore we yakoraga, akabwira shebuja w'uwahoze ari umugore we ko atazongera kumubona ukundi, cyane ko anamushinja ko yaryamanaga n'umugore we.
Uwo mugabo acyumva ayo magambo, yahise ahamagara polisi. Ikigera ahabereye icyaha basanze umurambo wa nyakwigendera bawuhishe mu gisenge cy'inzu hamwe n'umushyo bamuteye inshuro zigera ku enye.
Cangini, ibyaha byose yabyemereye imbere ya polisi yahise imushyikiriza ubutabera.
