Umupasiteri yatawe muri yombi nyuma y’uko abakirisitu be barohamye mu ruzi bari kubatizwa
Kuri iki cyumweru gishize, itariki ya 28 Gashyantare 2021, umupasiteri wa rimwe mu matorero yo muri Repubulika iharanira Demokarasi ya Congo yatawe muri yombi nyuma y’uko batatu mu bakristu be bari mu muhango wo kubatizwa batwarwaga n’amazi bakaburirwa irengero.
Umuhango wo kubatiza wari wateguwe wahise uhinduka inzozi mbi ku Cyumweru, ubwo abakiristu batatu bifuza kubatizwa barohamye mu Ruzi rwa N’djili I Kinshasa bakaburirwa irengero.
Mu batwawe n’amazi batatu harimo umugore n’umugabo. Mu gihe iperereza ririmo gukorwa umupasiteri n’abamufasha batawe muri yombi nk’uko tubikesha urubuga rwa afrikbuzz.
Amakuru atandukanye ava ahabereye ibi aravuga ko kurohoma mu Ruzi rwa N’djili bikunze kubaho mu gihe cyo kubatiza.
Igipolisi cyo cyatangaje ko cyatangiye iperereza ryimbitse mbere yo kugira byinshi kivuga ku byabaye.
![Ntibisanzwe! Bakoreye ukwezi kwa buki mu muhanda wuzuye ibyondo banabitemberamo [AMAFOTO]](http://umuryango.rw/local/cache-vignettes/L780xH400/arton55509-8ca16.jpg)
