Urukingo rwa COVID-19 rushimangira ruzajya rutangwa mumezi atatu nyuma y'Urwa kabiri.

Urukingo rwa COVID-19 rushimangira ruzajya rutangwa mumezi atatu nyuma y'Urwa kabiri.

Minisiteri y'ubuzima mu Rwanda yatangajeko urukingo rushimangira ruzajya rutangwa nyuma yamezi atatu kuwikingije muburyo bwuzuye.

Mu gihe amabwiriza yariho mbere yavugaga ko uru rukingo umuntu aruhabwa amaze amezi atandatu akingiwe byuzuye. Minisiteri y’Ubuzima yasobanuye ko iki cyemezo cyo kugabanya igihe umuntu yamaraga ategereje guhabwa urukingo rushimangira cyafashwe nyuma yo kubona ko hari ubwiyongere bukabije bw’abandura COVID-19 kandi barakingiwe.

Gufata uru rukingo rushimangira hakiri kare ngo bizatuma abakingiwe barushaho kugira ubudahangarwa bityo imibiri yabo ibashe guhangana n’icyorezo cya Coronavirus yihinduranyije cyahawe izina rya Omicron.

Minisiteri y’Ubuzima yaboneyeho gushishikariza Abaturarwanda Bose bikingije muburyo bwuzuye ko bakihutira gufata urukingo rushimangira kubigonderabuzima bibegereye.