Ibyo utamenye ku iraswa rya Donald Trump
Donald Trump wabaye Perezida wa Leta Zunze Ubumwe za Amerika yarashwe ugutwi, uwamusimbuye Joe Biden ahita asaba Abanyamerika guhagurukira icyarimwe.
Mu ijoro ryo kuri uyu wa Gatandatu Donald Trump wabaye Perezida wa 45 wa Leta Zunze Ubumwe za Amerika guhera mu 2016-2020, yarasiwe mu Pennsylvania ubwo yari mu bikorwa byo kwiyamamariza kuyobora iki gihugu.
Ni iraswa ryabaye ubwo yarimo avuga ijambo, umusore umwe w'imyaka 20 witwa Thomas Matthew ahita afungurira umuriro w'amasasu kuri Trump amuhusha ugutwi, ariko yica undi muntu umwe undi arakomereka.
Ibyo bikiba, umwe mu bashinzwe umutekano wo muri Secret service urwego rushinzwe gucunga umutekano w'abayobozi bakuru muri Amerika, nawe yahise apima mu cyico Thomas ahita ahasiga ubuzima.
Ikigo cy'ubutasi FBI cyatangaje ko uwo musore yari agambiriye kwivugana Trump, bemeza ko iperereza rikomrje.
Perezida wa USA kuri ubu, Joe Biden, yamaganye iraswa rya Trump asaba Abanyamerika guhaguruka bose bakamagana iryo raswa, avuga ko ibyo ntaho bikwiye kuba ku butaka bwa Amerika, asaba abaturage bose kunga ubumwe.
Magingo aya amakuru agezweho, ni uko Donald Trump, yasubiye iwe mu rugo muri New Jersey nyuma yo kuvanwa mu bitaro, ndetse akaba ameze neza ntakibazo.
Trump warashwe ari mu bikorwa byo kwiyamamariza kongera kuyobora Amerika, amatora agomba kumuhanganisha na Biden ategerejwe mu Ugushyingo 2024.
