Perezida Cyril Ramaphosa yasanganywe ubwandu bwa COVID-19
Perezida wa Afurika y'epfo yishyize mu kato nyuma to gusanganwa ubwandu bwa COVID-19 kuri icyi cyumweru tariki 12 Ukuboza 2021.
Ibiro bya perezida wa Afurika y'epfo, byatangaje ko inshingano ze yabaye azisigiye visi perezida David Mabusa kugeza mu cyumweru gitaha.
Perezidansi yavuzeko perezida Ramaphosa yatangiye kumva atameze neza nyuma yo kuva mu bikorwa byo kwibuka uwahoze ari perezida, FW de Klerk kuri iki Cyumweru i Cape town nkuko CNN dukesha iyo nkuru yabitangaje.
Nubwo bimeze bityo, perezida Ramaphosa yatangiye guhabwa ubuvuzi bw'ibanze mu bitaro bikuru bya gisirikare muri Afurika y'epfo.
Perezida Ramaphosa yavuzeko kuba yanduye ari ikibazo cy'impuruza, ko abaturage bose bagomba kwikingiza COVID-19, kandi bagakomeza kwirinda kuko nibwo buryo buboneye bwo kurwanya icyi cyorezo.
Muri Afurika y'epfo niho abahanga muri siyansi baherutse kuvumbura ubwoko bushya bwa COVID-19 bwitwa Omicron, iki gihugu kiri mu buhugu bifite ubwandu bwinshi.
Abagera kuri 25% muri Afurika y'epfo nibo bafashe urukingo ku buryo bwuzuye naho 5% nibo bakingiwe by'igice COVID-19. Perezida Ramaphosa we nubwo yanduye yari yamaze kwikingiza mu buryo bwuzuye.
Iminsi mike niyo yarishize perezida Ramaphosa agiriye uruzinduko muri Afurika y'uburengerazuba, ariko akimara gusubira mu gihugu cye yapimiwe i Johannesburg, ku wa 8 ukuboza ntiyasanganwa ubwandu bwa COVID-19. Kuri Ubu yishyize mu kato i Cape Town.
