Uganda: Hatangajwe igihano gikomeye ku batinganyi
Nyuma y'iminsi itari mike Inteko nshingamategeko ya Uganda ijya impaka ku itegeko rihana ubutinganyi, byarangiye bemeje itegeko rikakaye.
Ku mugoroba wo kuri uyu wa 2 Gicurasi 2023 nibwo inkuru yabaye kimomo ko Inteko nshingamategeko ya Uganda yamaze gutora itegeko rihana ubutinganyi. Bivuye inyuma bashyiraho igihano cy'urupfu ku cyaha cy'ubutinganyi.
Perezida w'Inteko nshingamategeko ya Uganda, Annet Anita Among yavuze ko byari bikenewe kwemeza itegeko nk'iryo kuri Uganda kugira ngo icyo gihugu cyabo gikumire ubutinganyi bukomeje gufata indi ntera mu bihugu bitandukanye hirya no hino ku Isi.
Yongeyeho kandi ko bagomba guhangana n'ubutinganyi kuko butari mu muco wabo.
Iri tegeko ryemeza igihano cy'urupfu rihana icyaha cy'ubutinganyi muri Uganda rishyizweho nyuma y'igihe kitari gito ryunguranwaho ibitekerezo, bareba niba koko igihano cy'urupfu gikwiye. Umuco wabo watumye bamaganira kure ubutinganyi.
