Abakinnyi icumi bahiga abandi kugira aba followers b'abagurano
Buri wese arajwe ishinga no kubona abamukurikiraba benshi ku mbuga nkoranyambaga, hari abakinnyi benshi bafite ababakurikirana ba baringa badahari bakaba bayobowe na CR7.
Instagram ni rumwe mu mbuga zikoreshwa n'ibyamamare hafi ya byose ndetse igatanga amafaranga anyuze mu kwamamaza kuri ibyo byamamare.
Cristiano Ronaldo aherutse guca agahigo ko kuzuza miliyoni 400 z'abantu bamukurikira kuri Instagram, akaba ariwe muntu wa mbere wabikoze mu byamamare byose biri kuri uyu mubumbe.
Cristiano Ronaldo kandi kimwe n'ibindi byamamare ajya bikora post zo kwamamaza, maze akishyurwa amafaranga akayabo kubera ko akurikirwa n'abantu benshi cyane. Bivuze ko uko ukurikirwa na benshi niko nawe uhabwa menshi kuri post yo kwamamaza ukora.
Gusa nanone hari kuzamuka ikintu cya konti mpimbano kuri instagram izo mu Cyongereza bita "Bot account" cyangwa se "Fake account", ndetse byagaragaye ko aba bakinnyi mu mamiliyoni abakurikira harimo umubare munini w'izi konti.
Byaje kugaragara ko muri miliyoni 403 zikurikira Cristiano Ronaldo kuri instagram, miliyoni 92 muri zo ari izi konti mpimbano, ndetse zikaba zimwinjiriza ibihumbi 388 by'amapawundi kuri buri post yamamaza akoze.
Nk'uko Livefootballtickets.com yakoze iyo mibare ibivuga, ubusanzwe Cristiano Ronaldo yinjiza miliyoni 1.69 y'amapawundi kuri buri post yamamaza akoze kuri instagram kubera aba-followers amamiliyoni afite. Ibi bivuze ko muri ayo mafaranga yinjiza, ibihumbi 388,570 ayinjiza kubera izo konti mpimbano.
Gusa n'ubwo bimeze gutya, Cristiano Ronaldo siwe mukinnyi gusa ukurikirwa na konti mpimbano za instagram kuko nka mugenzi we Lionel Messi, akurikirwa na konti miliyoni 70 mpimbano kuri instagram ndetse zimwinjiriza ibihumbi 287 by'amapawundi kuri buri post akoze yamamaza.
Ibi bivuze ko Lionel Messi w'imyaka 34 ufite aba-followers miliyoni 307 kuri Instagram, aba-followers miliyoni 70 muri bo ni aba konti mpimbano za Instagram.
Undi mukinnyi ni Neymar Jr ukinira PSG nawe akaba afite aba-followers miliyoni 34 ba konti mpimbano kuri Instagram ndetse bakaba bamwinjiriza ibihumbi 140 by'amapawundi kuri buri post yamamaza akoze.
Iyi foto iri munsi iragaragaza neza urutonde rw'abakinnyi 10 bakurikirwa na konti mpimbano nyinshi kuri Instagram, ijanisha ku ba-followers bafite muri rusange ndetse n'amafaranga binjirizwa n'izo konti mpimbano kuri buri post bakoze yamamaza.
Abakinnyi 10 binjiza amafaranga menshi kubera konti mpimbano kuri Instagram(Image:The Sun)
