Honduras: Harahiye perezida wa mbere w' umugore, Madamu Xiomara Castro, menya uwo ari we

Kuri uyu wa 28 Mutarama 2022, nibwo Madamu Xiomara Castro watorewe kuba perezida wa Honduras mu kwezi kwa Cumi na Kumwe( Ugushyingo)2021, yarahiriye kuyobora Honduras. Byari ibirori  byitabiriwe na bayobozi bakomeye barimo; Umukuru w'Igihugu Wungirije wa Leta Zunze Ubumwe z'Amerika, Kamala Harris.

Ni umuhango wabereye kuri sitade iherereye mu murwa mukuru, Tegucigalpa. Wari witabiriwe n' abatari bake, dore ko bari bitwaje n' abendera.

Madamu Xiomara Castro yiyemeje kwegura igihugu cye cyabaswe na ruswa ndetse n' ubukene, butuma bamwe bagita bagahungira mu bihugu bitandukanye birimo na Leta Zunze Ubumwe z'Amerika.

Uyu mudamu aje ku butegetsi asimbura Juan Orlando Hernandez. Orlando amusigiye igihugu cyabaswe na ruswa n' amadeni menshi.

Igitangazamakuru, ' Independent' cyatangaje ko yaboneyeho kwizeza abanyagihugu ko agiye guca ubukene, akarengane, habeho kwishyira ukiza. Ngo atangije urugamba rukomeye rwo kurwanya ubukene. Yahise atangaza ko agiye guha umuriro w'amashanyarazi abantu barenga miliyoni.

Madamu Xiomara Castro ni umudamu ufite imyaka 62, ni umudamu  w' uwahoze ayobora Honduras, bwana Zelaya Manuel. Uyu Manuel yayoboye Honduras hagati y' umwaka wa 2006 na 2009.

Ni ibirori byari byitabiriwe n' Umukuru w'Igihugu Wungirije wa Leta Zunze Ubumwe z'Amerika, Madamu Kamala Harris. Aciye ku rukuta rwe rwa Twitter, Madamu Harris yatangaje ko yagiranye ibiganiro by'ingirakamaro na Madamu Castro. Yagize ati; " Twaganiriye ukuntu harwanywa ruswa yabase Honduras. Twaganiriye no ku kibazo cy'abimukira bava muri Honduras bakaza muri Leta Zunze Ubumwe z'Amerika. Twarebeye hamwe n' uburyo  ubukungu bwa Honduras bwazahuka."