Omah Lay yahishuye intimba ihora ku mutima we

Umuhanzi Omah Lay yahishuye ko kimwe mu bintu yicuza mu buzima bwe, ari ukuba yaratandukanye n'umukunzi we.

Dec 11, 2023 - 19:01
Dec 11, 2023 - 19:12
 0
Omah Lay yahishuye intimba ihora ku mutima we

Umuhanzi wo muri Nigeria Stanley Omah Didia amazina nyakuri ya Omah Lay, yatangaje ko buri gihe aterwa ishema n'ibikorwa bye kuva kera, ariko ko hari ikintu kimwe ahora yicuza. Kuri Omah Lay, avuga ko yicuza kuba yaratandukanye n'umukobwa bahoze bakundana. 

Mu kiganiro uyu muhanzi yagiranye na Radiyo BBC Radio Capital Xtra, y'i London mu Bwami bw'Ubwongereza, akaba yatangaje ko buri gihe ahora yicuza kuba yaratandukanye n'umukunzi we Bright. 

Mu magambo ya Omah Lay, akaba ahamya ko umutimanama we kuri ubu wishimira imyanzuro yose yafashe kandi agaterwa ishema nayo; harimo gukora cyane guhera akiri ingimbi kugeza ubu yabaye umugabo. 

Omah Lay yicuza kuba yaratandukanye n'umukunzi we Bright 

Akaba yunzemo ko kuva yatangira guhura n'ibizazane akiri muto ku myaka 13 y'amavuko, yagiye akora amahitamo meza kugeza ku myaka 26 afite, ariko ngo ikintu gihora kimushengura, ngo ni ukuba yaratandukanye n'umukunzi we Bright.

Umuririmbyi wa 'Soso' akaba akunze kuririmba indirimbo ziganjemo ubuzima bugoye yakuriyemo, aho akunda no gutangaza ko hari ho igihe yashatse kwiyahura kubera ubuzima bwari bukomeye. 

Icyakora nubwo Omah Lay yatangaje ko ahora yicuza kuba yaratandukanye n'umukunzi we, ntiyigeze ahishura niba baratandukanye ari we biturutseho, cyangwa se niba kuri ubu yaba afite umukobwa mushya bakundana. 

Omah Lay aterwa ishema n'ibikorwa bye guhera kera, ariko ashavuzwa no gutandukana n'umukunzi we